فتح الإعلامي عمرو أديب، النار على حسام حسن، المدير الفني لمنتخب مصر، بعد تصريحاته المثيرة للجدل ضد المغرب، بعد عدم الفوز ببطولة كأس الأمم الإفريقية.
وقال أديب،خلال تصريحات تليفزيونية عبر برنامج “الحكاية” على قناة “ام بي سي مصر”:” إحنا ليه ‘Bad Losers’؟ هو حسام حسن بيتكلم ليه في السياسة؟ وعن المغرب؟ بدل ما تقول يا جماعة أنا أسف مكناش موفقين المرة الجاية نبقى أحسن، خسرنا ماتش كان لازم نقدر نعمل حاجة.. إنت الوحيد اللي خارج بخناقة! “.
وأضاف:” أصل مش عارف نيجيريا خرجت بضربات جزاء.. إنت عايز تقولي إنه اللي عمله بونو ولا اللي عمله المغرب ولا الأداء المغربي في كل الماتشات، إنت عايز تقول لي شكل البطولة العظيم؟ يا راجل ده إنت بوظت كل علاقتنا مع الناس هناك، ده كانوا بيتمنوا لك الرضا ترضى! هل جزاء الإحسان إلا الإحسان؟”.
وأشار أديب:” أنا كويس معاك واستضافة ومحبة، طب وأنت ليه مرحتش بدري؟ إنت إيه اللي أخرك؟ الشماعات.. مصنع الشماعات، كابتن حسام حط مصنع شماعات”.
وواصل:” طب وإنت فين اللباقة بتاعتك؟ إنت فين تمثيلك الرياضي لبلدك؟ فين إحساسك بالناس؟ يا راجل ده إنت مخليتش اللعيبه بتاعتك تسلم على اللعيبه بعد الماتش! “.
وأشار أديب:” ده ساديو ماني ده كان بيجري وأنت قاعد بتزقه يا إبراهيم تقوله ابعد عنه، عايز يروح يسلم على زميله محمد صلاح يبوسه وهاردلك.. طب شوف الفرق بين كلام ساديو مانيه وكلام حسام حسن، شوف الفرق بين كلام مدرب السنغال وحسام حسن.. إحنا ليه عاملين كده؟”.
