عمرو أديب يوجه سؤال عاصف لوزير الرياضة وهاني أبوريدة بعد تصرفات حسام وإبراهيم حسن في المغرب
وجه الإعلامي عمرو أديب، سؤال عاصف لهاني أبوريدة، رئيس اتحاد الكرة، بشأن تصرفات حسام حسن المدير الفني لمنتخب مصر وتوأمه إبراهيم حسن مدير المنتخب و تصريحاتهم ضد المغرب.
وقال أديب، خلال تصريحات تليفزيونية ببرنامج “الحكاية”، عبر قناة “mbc مصر”:” هل قام السيد رئيس اتحاد الكورة بتوجيه اللوم لحسام حسن على اللي عمله؟ أشك، هل قام السيد وزير الرياضة بلوم حسام حسن على اللي قاله؟ أشك، عيب على فكرة،. الهزيمة في الكورة غير الهزيمة بعد الكورة”.
و: أردف: “أرجوكم نحاول نلطف مع الناس، أهو هاني أبوريدة الجواب اللي بعته للاتحاد المغربي بيقول فيه شعر، فجأة دلوقتي بقى اتحاد مغربي وحش؟ نبطل بقى الطريقة دي”.
وأكد اديب:” ناس كتير بتتكلم إن كابتن حسام يجب أن يرحل، يجي حسام يقعد حسام، ده مش شغلتي أنا ولا أنا بفهم فيه قوي.. ولما نروح كاس العالم وتأتي نفس الأمور”.
وأكمل:” هنقعد بقى قدام بلجيكا ولا قدام مش عارف مين نقول لهم أصله الحكم كان مش عارف إيه والأوتيل كان كله ناموس؟ بعد ما عدت شهر في المغرب اكتشفت إن المغرب كلها ناموس؟ طب إنت يا مواطن يا مصري، أنا أرضى ذمتك، لو حد جه في بلدك وإنت عامل بطولة وقال لك أصل إنتوا بلدكم مليانة ناموس كنت هتقول إيه؟”.
وأتم: “في إيه يا جماعة؟ ما تخليكم حقانيين، لعبنا وحش أه، خسرنا أه، كنا ‘Bad Losers’ أه، ما فيش روح رياضية خالص. اللي عمله كابتن حسام حسن ده غلط، واللي عمله كابتن إبراهيم حسن غلط.. إيه المانع يعني؟ هي جت على دي؟ غلط.. اللي حصل غلط”.
