تحدث أحمد فتوح، لاعب نادي الزمالك، عن فترة عدم التزامه وكيف تغير بعد الأزمات التي مر بها.
وقال فتوح،خلال تصريحات تليفزيونية عبر قناة” أون سبورت”: “أنا كنت شقي شوية لكن دلوقتي خلاص، الناس فاكره عملت مشاكل كتير وإني مش هركز في الكرة لكن لأ انا بركز في الكرة و ماشي بسيستم ومفيش سهر خالص كان زمان”
وتابع:” أنا دماغي مدام مركز في الكرة خلاص لكن دلوقتي دماغي اختلفت، الموضوع ملوش علاقه بصحابي .. المشكله في دماغي نفسها “.
و أضاف فتوح:” حياتي اتغيرت بسبب الحادثة وربنا يرحم المتوفي ورجعت تعبان نفسيا “.
وأشار:” واخر مشكله لما روحت حفله راغب علامه وكان عمي تعبان قبلها الناس فكرت إني سبت عمي تعبان ورحت الحفله وده مش صح هو كان تعبان قبلها واطمنت عليه وكنت تعبان نفسياً فرحت الحفله اغير جو وحصل اللي حصل”.
وأختتم:” اخر مشكلتين دول بعدهم قولت خلاص، كان عندي ثقه في نفسي وان مفيش حاجه بتأثر فيا لكن الموضوع كان صعب وقعدت فتره تعبان وبعدها خلاص قررت التزم”.
