كشف أحمد فتوح، لاعب الفريق الأول لكرة القدم بنادي الزمالك، موعد عودته لتدريبات الفارس الأبيض بعد إصابته مع منتخب مصر
وقال فتوح، خلال تصريحات تليفزيونية عبر قناة “أون سبورت”:” كان نفسنا ناخد بطولة افريقيا علشان محمد صلاح، في مباراة السنغال البدني هو اللي اثر علينا وكنا نقدر نكسب”
وردا على سؤال الناس كلها اتفاجئت إنك خرجت بين الشوطين ايه السبب؟ أجاب:” أنا جيت اخر عشر دقائق في الشوط الأول مكنتش قادر حرفياً”.
وتابع فتوح:” أنا كنت مصاب اصلا من مباراة الكوت ديفوار ولعبت ماتش السنغال وانا مصاب وخدت حقن”
وتدخل سيف زاهر:” بس القصص دي مش سكة دكتور ابو العلا؟، ليرد فتوح:” ده حقيقي هو بيوضحلك حجم الإصابة لكن في الاخر ده كان قراري أنا “.
وسأله سيف زاهر كابتن حسام حسن كان رأيه ايه؟ليجيب فتوح:” لا كابتن حسام حسن مكنش يعرف، ودكتور محمد ابو العلا لأ قاله يقدر يلعب عادي .. لان انا قبلها لما عملت اشعه كان فيها إنها شد مش مزق وأنا قولتله أنا تمام وهلعب”.
وأكمل:” لكن بعدها في ماتش السنغال بقى جالي مزق وقولتله مش قادر وخرجوني، هرجع للتدريبات بعد 5 أو 6 أيام مع نادي الزمالك”.
