وجهت قناة الأهلي رسالة عاصفة لـ إمام عاشور، لاعب الأحمر، بعد تمرده ورفضه السفر إلى تنزانيا وتغريمه ماليا وإيقافه.
وقال عدلي القيعي،خلال تصريحات تليفزيونية عبر قناة الأهلي:” “كلنا أشدنا بيك ولكن يبدو أن في مصر خطر قوي إنك تسرف في الإطراء .. لما تقول لواحد تسلم إيدك وكأنك بتقول له لخبط لي الدنيا، لما ترضى عن أداء حد وكأنك تحرضه على أن يقصر في حقك .. وهنا بقى الشخصية بتبان، الشخصية التي لا تدرك أن الإطراء كان مقابل جهد”
وأضاف :” وأنا قولت قبل كده الموضوع مش ببوس الفانلة والكلام ده وأنك تتخلى عن فريقك في وقت زي ده لو مفيش اي عذر حقيقي … ده وضع غير مقبول إطلاقا مهما كان حجم النجم، الأهلي اللي وقف 17 لاعب قبل مباراة الزمالك في ربع نهائي كأس مصر ولعب بالناشئين لإرساء المبادئ، هل كان هناك أعظم تأثيراً من كابتن أبو تريكة؟”.
ومن جانبه اشار إبراهيم المنيسي:” في 2012 أبو تريكة رفض أن يلعب مع الأهلي مباراة إنبي في السوبر وتم إيقافه شهرين وتغريمه وقتها نص مليون جنيه “.
ورد القيعي قائلا:” نص مليون جنيه بالقياس إلى راتبه وقتها كانت تقريباً 20% من عقده لكنلكن زي ما بتطلب تاخد حقك لازم تدي حق النادي .. أنا كنت مستني مين اللي هيقع في هذا الفخ مبكراً.. للاسف جت في إمام عاشور لو مكنش عنده سبب يعني”.
وزاد إبراهيم المنيسي:” ما هو الأهلي مش هيطلع قرار إلا لو كان في سبب “.
ليجيب القيعي: لأ ما هو ممكن القرار يطلع لو مش عارفين يوصلوا ليه، أرجوكم إذا كنتوا حريصين على نفسكم أنتوا داخلين على كأس عالم، أنت مش خايف على نفسك يا بني .. وبتغامر ليه برصيد الثقة اللي الناس وثقت فيك؟، نتمنى هذا الأمر ما يتكررش لا من إمام ولا من غيره”.
وأضاف :” إمام مطلوب منه دلوقتي يتكلم مع الإدارة ويبرر التصرف، ومفيش حاجة تيجي بالضغط يعني لو عايز تغير وضعك في الفريق أو تروح نادي تاني صدقني محدش هيحترمك بالشكل ده، عايز أقول لجمهور النادي الأهلي أوعى تلتفت إلى الشامتين، الشامت ده مجروح هو عايز يشعر إن أنت متضايق حتى لو مش هينبسط هو”.
وشدد القيعي:” الصفقات مش مكايدة ولا تحفيل، هي انتصارات بجدواها ومن ينجح منها هو اللي يلتزم ويتحمل المسؤولية”.
ليحتتم المنيسي:” على اللاعب المعاقب ينفذ القرار ويستفيد من الخطأ ويرجع لصوابه”.
