كأنك تبيع ابنك”.. هيثم فاروق يهاجم قرار رحيل ناصر ماهر عن الزمالك.. ويؤكد الجميع خذل النادي
شن هيثم فاروق، نجم نادي الزمالك السابق والمحلل بشبكة قنوات “بي إن سبورتس”، هجوماً لاذعاً على الأوضاع الإدارية والفنية داخل القلعة البيضاء، واصفاً ما يمر به النادي في الفترة الأخيرة بـ “العاصفة التي عرّت الجميع”.
وقال فاروق، الاستوديو التحليلي قبل مباراة المصري البورسعيدي عبر قناة” بي إن سبورتس”:” الله يكون في عون معتمد جمال النهارده عنده غيابات كتيرة، عمر جابر وفتوح وبنتايك ودونجا وقوام اساسي للفريق “.
وتابع:” بجانب ناصر ماهر اللي انتقل الى بيراميدز ودي من الحاجات اللي مكننش حاببها ومش راضي عنها.. أنت كأنك بتبيع ابن من أبناءك علشان الباقي “.
وشدد فاروق:” ناس كتيرة محسوبة على الزمالك خذلت الفريق ده جدا، الحقيقة الفضل أن نادي الزمالك مستمر لحد دلوقتي ويقدر ينافس هو جماهيره فقط لا غير .. الجماهير فقط لا غير”.
وأشار: “هبت على نادي الزمالك رياح كالعواصف.. لكن في عواصف بتبقى مفيدة بتاخد الأتربة وتعري الكل .. الفترة الأخيرة جماهير الزمالك عرفت مين اللي بيحب النادي بجد”.
وأكمل فاروق:” الزمالك خذل في كل شئ خلال الفترة الماضية، أنت ممكن تعمل شرخ لكن تعرف تعالجه.. لكن أنت مش عارف تدعم الفريق ولا تحافظ على لعيبتك ولا عارف تعمل حاجه”.
وأختتم:” مباراة صعبة جدا النهارده وكنت أتمنى الفريقين يلعبوا على ملاعبهم .. الزمالك يلعب في ستاد القاهرة والمصري يلعب في ملعبه في السويس”.
