إنفجر محمود فتح الله،نجم الزمالك السابق،في وجه إدارة الفارس الأبيض بشأن أوضاع الفريق وعدم مصارحة الجماهير بشأن ملف المدير الفني
وقال فتح الله، خلال تصريحات تليفزيونية عبر برنامج “الكورة مع فايق”، على قناة” ام بي سي مصر 2″‘*الزمالك واسمه في المجموعة دي إن أي ماتش بيلعب لازم يكسب خصوصاً لما أكون تاني فعايز أبقى متصدر ده الطبيعي”.
وأردف:” لكن المعطيات والظروف بتقول إن إحنا تعادل مرضي وللأسف كزملكاوي بزعل إني بقول كده”.
وشدد فتح الله:” الناس بتبص على اللعيبه والجهاز الفني لكن الموضوع إداري بحت .. اداري بحت ”
وأكمل:” الفريق اللي عايز ياخد بطولة وعنده اسم كبير وجماهير .. مينفعش ابدا السنه بمدرب لا يستحق يعدي من قدام باب النادي زي يانيك فيريرا وصبرت عليه كتير جدا ومشيته متأخر”.
وأشار فتح الله: “جبت أحمد عبدالرؤوف ومشيته وجبت معتمد جمال وهتحاسبه بالقطعة وشويه نمشي وشويه نجيب .. الحاجات دي عمرها ما تجيب نتائج لازم استقرار الفريق”
وانهى:” حتى لو مش عايز تجيب مدرب اجنبي اطلع قول معتمد جمال مكمل معايا علشان الموضوع ده بيفرق مع اللعيبه وجوا اوضة اللبس،.
