كشف معتمد جمال المدير الفني لنادي الزمالك، عن أكبر مشكلة يعاني منها الفريق، وذلك بعد الخسارة أمام زد، ضمن منافسات بطولة كأس عاصمة مصر.
وقال جمال في المؤتمر الصحفي بعد المباراة ردا على سؤال ما برز المشاكل اللي شوفتها في الزمالك بعد توليك المسؤولة وازاي هتجهز الفترة الجايه؟:” مش هتكلم عن مشاكل فنية، لكن اكبر مشكله هي الحالة النفسية كانت وحشه عند اللاعبين ودي أهم حاجة ركزت إني أصلحها الأول قبل أي حاجة”.
وأكمل:” تجهيز اللعيبة هيكون بشكل تدريجي قبل رجوع منافسات الدوري و الكونفدرالية”
وشدد جمال:” هنشتغل الفترة الجاية على تجهيز اللعيبة بدنيًا على أعلى مستوى، ومستني رجوع اللعيبة الدوليين علشان أجهّز الفريق كله بعد ما منتخب مصر بإذن الله يقدر يحقق البطولة ويكونوا معانا قبل مباراة المصري في الكونفدرالية “.
فأجاب ردا على سؤال” أنت جاي في ظروف صعبه مخوفتش من قبول المهمة دي؟'” لما اتطلب مني تدريب الزمالك، معنديش أي اوبشن في الإختيار ات، والظروف صعبة بس بنحاول نطلع النادي من أزمته الفنية الحالية”.
