كشف طارق يحيي، نجم الزمالك السابق،عن نصيحته لطارق مصطفى مدرب البنك الأهلي الأسبق، بشأن تولي تدريب الفارس الأبيض خلفا لأحمد عبدالرؤوف.
وقال يحيى،خلال تصريحات تليفزيونية عبر برنامج “الناظر” على قناة” النهار”:” طارق مصطفى مدرب مطلوب باستمرار.. وانا نصحته لما الكلام تردد عن إن الزمالك عايزه ”
وتابع:’ قولتله استخير لان الظروف صعبه ونسبه النجاح مش عاليه لان الظروف نادي الزمالك حالياً صعبه جدا في لعيبه بتفسخ عقودها وناس عايزة تمشي وفي أزمة قيد”.
وشدد يحيى:” الزمالك عايز ساحر مش مدرب .. ده بيتنا طبعا ونشتغل في الظروف دي لان ده حق النادي علينا لكن لازم يعرف هو داخل على ايه”.
وتدخل الإعلامي أحمد شوبير قائلا:” بيقولوا العلاقة بين طارق مصطفى وجون إدوارد مش على ما يرام وكل ما اسمه يطرح يترفض”
ليرد يحيي:” لا مفيش حاجه من ناحيه طارق مصطفى واي حاجه بتتقال يسأل فيها جون إدوارد “.
ويعود أحمد شوبير ويسأله:” طيب لو اتعرض عليك تشتغل في الزمالك حالياً هتعمل ايه؟”
ويجيب يجيى:” ده بيتنا واشتغل فيه في اي وقت وتحت أي ظروف وانا اشتغلت في ظروف صعبه، أنا قولت لطارق مصطفى استخير بس علشان هو هيبقى داخل على مرحله صعبه”.
