طالب أحمد حسام ميدو، مجلس إدارة الزمالك بضرورة إتخاذ رد فعل حاسم ضد جون إدوارد، المدير الرياضي بالنادي، بعدد بيانه الأخير الذي اوضح من خلاله عدم تنفيذ الوعود المقدمه له بشأن الفريق.
وقال ميدو،خلال تصريحات تليفزيونية عبر برنامج “اوضة اللبس”، على قناة” النهار”:” ربنا يكون في عون مجلس إدارة الزمالك، وأنا هنا مش بدافع عنهم لكن فعلاً هم في موقف صعب جداً”.
وتابع:” بيان جون إدوارد أنا ما كنتش أتمنى أبداً إنه يخرج في التوقيت ده، لأن جون عارف كويس الموقف اللي المجلس فيه”.
وشدد ميدو:” هل بيبرأ نفسه؟ لأ للأسف هو بيشيّل مجلس الإدارة المسؤولية… والبيان ده أكد للجميع إن فيه خلاف موجود ما بين جون إدوارد ومجلس الإدارة”.
وواصل:” دايماً في الشغل حتى لو عندي مشكلة مع الناس اللي شغال معاهم، ما ينفعش إني أظهر المشاكل دي، بيان صعب جداً، ومش عايز أقول بيان ‘معيب’ لكن بيان مينفعش يخرج من شخص بينتمي لنادي الزمالك”.
وأشار ميدو:” أنا ما اتكلمتش مع جون، لكن البيان ده مينفعش يخرج من حد شغال جوه النادي، وكان لازم يبقى فيه رد فعل من مجلس الإدارة للحفاظ على هيبة وكرامة نادي الزمالك”.
وأكد:” رد فعل زي إيه؟ إن مجلس الإدارة يطلع بيان ويقول إن البيان ده غير مقبول، وإن كل الناس اللي شغالة في الزمالك لازم تلتزم بقواعد النادي، وإن على الجميع تحمل ظروف النادي اللي مكنتش في إيد حد، واللي مش قادر يتحمل الظروف دي يمشي”.
وأختتم:” ده كان لازم يبقى فيه رد لحفظ كرامة الزمالك. ما ينفعش حد شغال جوه النادي، حتى لو بصيغة تعاقدية مختلفة، يطلع بيان زي ده، وما ينفعش أصلاً يطلع بـ ‘اللوجو’ بتاع نادي الزمالك وراه على صفحتك الشخصية”.
