كشف سمير الحاوي، وكيل أعمال الفلسطيني حامد حمدان، المنضم حديثا لبيراميدز، عن سبب عدم إنتقال اللاعب لنادي الزمالك.
وقال الحاوي، خلال مداخلة هاتفية ببرنامج “ملعب أون”، عبر قناة” أون سبورت”: “بيراميدز لم يكن اكبر عرض لضم حامد حمدان وكان عروض خارجيه اكبر، هو اختار بيراميدز والله اختياره ليس مادي، و بيراميدز مش اعلى عرض”.
وتابع:” بيراميدز لما قدم العرض كان كل حاجه قدام حامد التوفيق جه لبيراميدز، العروض من بره كلها اكتر ماديا اختياره كان بيراميدز”.
وشدد الحاوي:” اعلى عرض مصري كان بيراميدز وتفوق على الزمالك والاهلي، لو كانوا عروضهم اكتر كان اختار منهم”.
وأكمل: “عقليه حامد غير معتاد عليها في لعيبه مصر، هو عقليته مختلفه عن لعيبه مصر، حامد ملتزم ومش بيحب الشو لما اختارنا على الورق بين العروض، قال عاوز اكون مستقر نفسيا وفنيا، وبعيد عن الضوضاء فاختار بيراميدز”.
وأضاف الحاوي:” حامد له اختيارات معينه للاستقرار الفني والنفسي لو اختياره مادي كان اختار بره، هو اختار انه يبقى في مصر اختار العقد الاكبر “.
وواصل:” حامد كان مصر على الزمالك اول الموسم، ولو كان الزمالك دخل الاتفاق كان ممكن يروح له لكن بيراميدز دخل وحامد استخار ربنا، وحس موضوعه يبقى في بيراميدز نادي مستقر ومحقق بطولات وهو محتاج الاستقرار”.
وزاد الحاوي: “حامد كان مختار الزمالك اول الموسم رغم وجود عرض من بيراميدز، لان له حد في عائلته زملكاوي وكان بيكلم معه في الحته دي،و الزمالك لاخر وقت كان موجود الامور لم توفق معهم”.
وأكد:” جون إدوارد محترم والامور مش متوفقه معاه في الزمالك، وحامد محتاج يستقر ماليا نفسيا وانت عارف مشاكل الزمالك، اللاعب من 8 سنين بيطلع الجبل فعاوز يستقر فاختار بيراميدز”.
وردا على سؤال ما قصة الاهلي وانسحاب كابتن سيد عبدالحفيظ؟ اجاب الحاوي: “حامد دلوقتي في بيراميدز وربنا يوفقه”.
وأختتم:” يعني الاهلي كان في الصفقة لاخر لحظه؟ ” اعفيني من الكلام في النقطه دي”.
شاهد:
