كشف وائل الخربتاوي، وكيل أعمال عمر عبد العزيز، حارس مرمى نادي الزمالك، عن وجود عرض لضم اللاعب وموقف الفارس الأبيض.
وقال الخربتاوي، خلال مداخلة هاتفية ببرنامج “ملعب أون”، عبر قناة “أون سبورت”، ردا على الإعلامي سيف زاهر: “في بعض العروض لشباب الزمالك منهم عمر عبد العزيز حارس المرمى، جديدة بقى موضوع حارس مرمى، عرض حارس مرمى ده بالنسبة لنا جديد؟: “آه هو بالنسبة لعمر أنا كنت أعرفه من حوالي بالضبط من 8 شهور كده كنت شفته في التمرين”.
و أضاف:” كان الكابتن عبد الواحد السيد كلمني عنه يعني اللي هو في حارس كويس موجود في نادي الزمالك وده ممكن يسافر بره وكده، فتابعته يعني وسافرت له المغرب في بطولة أفريقيا هم كانوا في المغرب مشاركين في بطولة أفريقيا، شفته كان أدى مستوى كويس وكان معايا ناس البرتغال ساعتها بيتفرجوا عليه يعني”.
وشدد الخربتاوي: “فقدمت له عرض كان في الصيف كان من نادي التشويس ده مع هيبقى مع الفيرست تيم بس كان نادي درجة تانية فساعتها العرض ما كانش يعني مترحب بيه كويس في نادي الزمالك فاتقفل الموضوع”.
وأكمل:” فدلوقتي أنا جبت له فترة معايشة بعد كأس العالم في نادي فاملي كاو، النادي التاني ده بتاع أتلتيكو مدريد يعني الأونر واحد بتاع أتلتيكو مدريد والنادي ده بياخدوا منه اللعيبة الكويسة بيوديها على أتلتيكو مدريد على طول”.
ورد سيف زاهر: “أنا شايف الشباب دلوقتي برشلونة ب وريال مدريد وأتلتيكو مدريد والدنيا شغالة بشكل رائع”.
وواصل الخربتاوي: “آه الكلام ده كلام كبير ولازم إحنا في مصر يا كابتن بصراحة نهتم باللعيبة ولازم يكون في تسهيلات شوية إن الأندية تسهل خروج اللعيبة بره في أوروبا يعني”.
وبشأن موقف الزمالك أشار: “والله موقف الزمالك مش وحش ومش حلو في نفس الوقت يعني، لحد دلوقتي حصل مكالمة من نادي فاملي كاو من جنرال سبورتس دايركتور لـ جون إدوارد، اتكلموا مع بعض وجون إدوارد ودا لعبد الرحمن مدير التعاقدات وكده فهم طلبوا فلوس يعني، فعمر فاضل في عقده أصلاً أربع شهور وينتهي”.
ووجه زاهر سؤال ممكن أستاذنك طلبوا كام؟ ليجيب الخربتاوي:” مش عايز أقوله.. حوالي فوق كام أقل من كام يعني حوالي يعني فوق من مليون فوق الـ 2 مليون.”
سيف زاهر 2 مليون دولار؟ يورو؟ الزمالك طلب 2 مليون يورو؟، ليرد الخربتاوي: فوق كده يعني بس في بعد ثلاث سنين يعني، يتأخذوا بعد ثلاث سنين”.
زاهر:” قصدك أوبشن ولا قصدك فلوس متقسطة “؟ واستأنف الخربتاوي:” لا مش فلوس متقسطة، بعد ثلاث سنين اللعيب اتباع ياخدوا 3 مليون بس النادي عمل حاجة تانية بره أحسن من كده يعني، النادي قال لك لا أنا هديك نسبة 15% وتدخل معاه في الـ (negotiation) اللي هو لو أي حاجة جت له بره أي عرض في أي حاجة أنت هتدخل في الموضوع وحقك توافق أو ترفض على العرض.”
سيف زاهر:” انت عارف أنا والله يعني هو حمزة تقريباً طلع، حمزة عبد الكريم برده رايح بديل شبيه كده شوية، ومحمد هيثم رايح بديل شبيه كده شوية، أنا أتمنى إن كل الأندية المصرية تمشي بالسيستم ده، تمشي إن الشباب الصغير يطلع ويبقى في أوبشن، خد الريسك ما تقلقش طالما أنت واثق منك وحط أوبشن لو جاب أهداف.”
وائل الخربتاوي: “بالظبط يا كابتن بالظبط ده اللي هم عايزينه بره، ماشي حتى في لعيبطلبوا فلوس وفاضل في عقده 4 شهور، قرل ال2 مليون يورو بس 3 سنين يتاخدوا بعد 3 سنين اللاعب اتباع ياخدوا 3 مليون تاني برضه غير عمر في أحمد إبراهيم برضه سبورتنج براجا وخلاص الفيزا صدرت له بتاعته يمكن السفر خلال يومين تلاتة فترة معايشة مع سبورتنج براجا برضه فلازم إحنا نسهل شوية يا كابتن المواضيع.”
و اختتم: “أنا بناشد حضرتك من برنامجك طبعاً أنت برنامجك متشاف في الوطن العربي كله ومن أنت مذيعين الشاطرين ولك قبول عند كل الناس وشخصية محترمة معاك كتيرة يا كابتن وأنا عارفك كويس جدا”.
شاهد:
