حسم النائب أحمد دياب، رئيس رابطة الأندية المصرية المحترفة، الجدل المثار مؤخراً حول مصير مسابقة الدوري العام وشكل المنافسة في الموسم الحالي.
وقال دياب في تصريحات تليفزيونية عبر قناة “أون سبورت”:” عن إلغاء الدوري؟ مفيش حاجة اسمها إلغاء دوري، الكلام ده غير مطروح نهائياً ولا في خيالنا حتى، إحنا هدفنا ننهي المسابقة في موعدها عشان نرجع للمواعيد الطبيعية السنين الجاية”.
وأشار:” بالنسبة للهبوط، إحنا لما أخدنا القرار الموسم الماضي بحضور كل الأندية كنا واضحين تماماً إن القرار ده هيكون ليه أضرار وهنتداركها على مدار تلات مواسم، وإننا هنمشي بنظام الدوري بتاعنا على هبوط العدد ده عشان نرجع للرقم الطبيعي بتاعنا (18 فريق)، فما فيش أي نية للكلام ده ولا للموضوع ده (إلغاء الهبوط)”.
وواصل دياب:” طلبات الجهاز الفني في أربعة أو خمس أيام زيادة هي مجال بحث ودراسة، وهي طلبات مشروعة جداً. إحنا منتظرين قرعة المرحلة التانية وقرعة أفريقيا عشان نحدد الأيام هتبقى كام يوم بالتحديد”.
وأختتم:” أهدافنا واضحة وهي انتظام مسابقة الدوري المصري إنها تخلص في المواعيد المظبوطة وتوفير كل الطلبات لمساعدة الجهاز الفني”.
