أحمد سليمان يحسم الجدل بشأن إستقالته من مجلس الزمالك.. ويؤكد بعيد عن ملف الكرة – فيديو
كشف أحمد سليمان،عضو مجلس إدارة الزمالك،عن حقيقة إستقالته من منصبه،وأكد انه ابتعد عن ملف كره القدم بنادي.
وقال سليمان،خلال مداخلة هاتفية عبر قناة “dmc”:” أول لما جينا من سنتين، كان عندنا مشاكل مالية وفي نفس الوقت برضه إيقافات قيد، فحطينا خريطة طريق، خريطة الطريق اللي حطيناها أدت إلى بطولة أفريقيا وكأس السوبر الأفريقي وكنا قريبين جداً من كأس مصر في السعودية وكأس السوبر المصري”.
وأ كمل: “خريطة الطريق اللي إحنا حطيناها اللي إحنا ندي اللعيبة التزاماتها، الأستاذ ممدوح عباس كان ليه دور كبير جداً في هذا الملف ومجلس الإدارة قدرنا نوفر فلوسهم، قدرنا نجيب مستر جوميز نوفر له إمكانياته، جددنا للعيبة لو إنت فاكر صبحي وفتوح وسيف الجزيري واستفدنا بلعيبتنا”.
وشدد سليمان:” و فكينا قيد جت أنتجت عن عبد الله السعيد وأحمد حمدي ومحمد شحاتة، فدي الحمد لله دلوقتي خريطة الطريق بدأت تشتغل دلوقتي.”
و أضاف:” انا من 6/12 اعتذرت عن ملف الكورة، 6/12 اللي فات بعد ما مشي مستر جوميز و جه جروس قدمت طلب لمجلس الإدارة باعتذاري بعد سنة كاملة معاهم، لكن إحنا بنمارس دورنا كمجلس إدارة ونتابع الحالة أول بأول وفي ضهر الناس المسؤولة كمشرفين أو لجنة الفكرة الجديدة الموجودة اللي خدها قرار بيها مجلس الإدارة.”
بشأن عن تدخله في فترة الكابتن أيمن الرمادي أجاب سليمان: ”
“كنت أنا بعيد، طلب مني.. كان الكابتن حسين لبيب بعيد، وطلب مني وعملنا قعدة أول قاعدة مع كابتن هشام نصر وحسام المندوه وأيمن رمادي وحازم فتوح وكيله، وبرضه حطينا خريطة الطريق إن إزاي نعرف ناخد كأس مصر، وفرنا إمكانيات، عملنا معسكر في الإسماعيلية، وفرنا للعيبة فلوسها، عملنا تذاكر في الاستاد، الحمد لله شفت بقى جمهور الزمالك العظيم بيملا الاستاد قدرنا ناخد بطولة كأس مصر”.
و أردف:” نادي الزمالك براند كبير جداً عنده بينزل بجمهوره بـ 40-50% بيكون قوة ”
واتم: “مستمر طبعاً في مجلس الإدارة، إحنا واخد ثقة جمعية عمومية وبنحاول على قد ما نقدر، واخد أعلى الأصوات، في تجربة حصلت قبل كدة من دورة قبل كدة بعد سنة واستقلت، لو كنت استمريت بأمانة الخبرة ديت إن لو كنت استمريت مكنش الأخطاء حصلت، قاعدين وبنحاول وبنقاوم وبنقف جنب نادي الزمالك اللي خيره علينا جداً”.
شاهد:
