إعترف محمد مجدي افشة، لاعب الأهلي المعار لصفوف الاتحاد السكندري، بوجود ازمة في غرفة ملابس الأحمر بسبب مرتبات أحمد سيد زيزو، و تريزيجيه.
واثناء تواجد افشة ضيفا على الإعلامي إبراهيم فايق عبر قناة “ام بي سي مصر 2،رد على سؤال ليه موضوع ضربات الجزاء في الأهلي احيانا بيعمل مشكلة ليه؟ مش عارف بصراحه بس دي بترجع للمدرب، لازم يكون حاسم والترتيب واضح (1، 2، 3) ده بيريح الكل”.
وتابع:” كان بيحصل لخبطة من كل مدرب في الأول لأن الأهلي الكل نجوم والكل عايز يشوط ويجيب هدف فلو مفيش نظام الدنيا بتبقى صعبة، لما روحت الاتحاد كابتن تامر مصطفى حطني رقم واحد والأمور مترتبة”.
وأضاف أفشه ردا على سؤال عايز أسألك سؤال وتقولي بصراحه لو عايز تجاوب جاوب مش عايز لأ.. هل موضوع مرتبات زيزو وتريزيجيه أثرت في أوضة لبس الأهلي؟:” طبيعي اه ده يحصل في الكورة، بس أنا مش مقتنع إن لعيب يطلب زي لعيب تاني.. لان ده رزقه، لو بنتكلم على زيزو مثلا فهو حالة خاصة لانه جاي من الزمالك نجم وعامل طفرة فده طبيعي وفري”.
وأكمل:” أنا كأفشة مش بزعل، أنا واخد اللي بيكفيني والحمد لله، أنت لو عايز تزيد روح للمسؤول بس مالكش دعوة بزميلك، زي قصة اللعب بالظبط، اللوم على المدرب مش على زميلك”.
وتدخل إبراهيم فايق قائلا: “احنا قاعدين في قهوه لو بنتكلم أجمد لاعيب في مصر ياخد كام؟ بعيدا عن أي اسماء، ليجيب افشة:” بتلعب في الدوري المصري وأفريقيا أقصى حاجه 25 مليون”.
