حرص إسماعيل يوسف،نجم الزمالك،الشكر لجماهير الفارس الأبيض، ومعتمد جمال المدير الفني للفريق، بعد التأهل لربع نهائي كأس الكونفدرالية الإفريقية.
وقال يوسف، خلال تصريحات تليفزيونية عبر برنامج “الكورة مع فايق”، على قناة” ام بي سي مصر 2″:” جمهور نادي الزمالك يستحق الإشادة، والنهارده كان فيه لقطة جميلة جداً عجبتني وبشكرهم عليها؛ صور الأساطير بتاعة نادي الزمالك كانت مرفوعة في الاستاد كله”.
وواصل:” أنا كنت في المكان ده من أسبوع أنا وشيكابالا وناشدت الجمهور.. كرموا كل الناس وحبوا كل الناس، وفي وقت من الأوقات لما الأداء كان بينزل الجمهور كان بيشجع وده عادة جمهور الزمالك”.
وأتم يوسف:” بشكر معتمد والجهاز الفني واللعيبة لأن النهارده كانت أمور صعبة، فرقة كايزر تشيفز بتلعب كورة على مستوى عالي جداً. ضيعنا في الشوط الأول حوالي 3 أو 4 أهداف نتيجة التسرع، إنما معتمد النهارده بيعمل معجزة”.
