كشف الإعلامي إبراهيم عبد الجواد، حقيقة وجود عروض لضم “شيكو بانزا”، لاعب الزمالك خلال الفترة الحالية وخاصة من الدوري الليبي.
وقال عبد الجواد، خلال تصريحات تليفزيونية ببرنامج” ملعب أون”، عبر قناة” أون سبورت”:” الزمالك خلال اليومين اللي فاتوا بقى في كلام كتير أو طلع كلام كتير إنه في عروض جت لشيكو بانزا وإن إدارة الزمالك رفضت”.
وتابع:” فإحنا بدورنا رحنا للمسؤولين في نادي الزمالك: “يا جماعة إنتوا جالكم أي عروض فيما يخص شيكو بانزا تحديداً من الدوري الليبي؟” قال لك الكلام ده كله مش صحيح، عارٍ تماماً من الصحة، ما فيش أي حاجة حصلت، ما فيش حد جالنا، القيد هيقفل في ليبيا بكره وما فيش أي حد اتكلم معانا في أي حاجة تخص شيكو بانزا “.
وأختتم:” بيني وبينك هو ده أقرب للمنطق لأن هو الأداء اللي بيقدمه مع الزمالك ما أعتقدش يحمس حد إنه يروح يتعاقد معاه، ليس تقليلاً والله من شيكو بانزا ولكن أنا بتكلم على تقييم خلال الفترة اللي فاتت، فمسؤولي الزمالك أكرمهم الله قال لك ما فيش أي حد جه يتكلم معانا عن اللاعب”.
شاهد؛
