كشف الإعلامي سيف زاهر، كواليس مثيرة بشأن أزمة خوسيه ريبيرو، المدير الفني للاهلي السابق، مع الاحمد بعد حكم الفيفا لصالحه.
ونص حكم الفيفا لصالح ريبيرو بالحصول على تعويض إجمالي قدره 588 ألف دولار، شاملاً الشرط الجزائي المنصوص عليه في العقد لمدة ثلاثة أشهر، وهو ما اعتبره الأهلي مبالغًا فيه ويستدعي التدخل القانوني للطعن على القرار.
وقال زاهر، خلال تصريحات تليفزيونية عبر قناة “أون سبورت”:”طب ريبيرو، ريبيرو بقى إيه موضوعه؟ اتفق مع الأهلي على حاجة ما عملهاش ولا الأهلي هو اللي ما عملهاش ولا روبيرو هو اللي ما التزمش، ولا المحامي بتاعه دخل في النص ولا المحامي بتاعه داخل عايز يعمل مصلحة؟ إيه قصة إيه الموضوع؟”.
و أضاف:” حضراتكم إن العقد خلص وانتهى خلاص، كدة عاد خلص
وانتهى قعد مع مسؤول النادي الأهلي، هو ليه ثلاث شهور، الراجل: “هنديك شهر ونص”، “ماشي يا عم الحاج خلاص يا عم الحاج اتعشت خلاص مبروك مبروك نقرا الفاتحة”، تمام خلصت الشغلانة. قام الراجل بعد ساعتين قال لهم: “لا أنا فكرت معلش لا أنا مش جاي في القصة دي أنا هاخد الثلاث شهور”، ماشي جه الأهلي قال لك برضه”.
و أردف زاهر:” ما خلاص ده التزام مش مشكلة هنديك يا عم الثلاث شهور”، تمام متشكرين جداً. مشي الراجل قعد مع نفسه كدة يومين يفكر قال لك لا، راح للمحامي بتاعه، المحامي بتاعه قال لك: “لا أنا عايز الثلاث شهور وتعويض”، ليه يا أستاذ تعويض؟ ليه؟ قال لك: “نفسياً اتأثر جداً الراجل، الراجل بتاعي أدبياً ونفسياً اتأثر جداً بالقصة”.
وشدد:” وفي بند يقول لك إن أنت لو اتأثرت نفسياً مش عارف يحصل إيه والموضوع عامل إزاي والقصة والحكاية والرواية”. طب ده كلام يا أستاذ ريبيررو بالله عليك؟ يعني أنت خدت فلوسك على داي المليم، نتائج غير موفقة، خدت شرط جزائي ثلاث شهور واتعشت الدنيا والدنيا زي الفل، طب ما خلاص بقى نقول الحمد لله وخلصت الشغلانة؟ يقول لك “لا يا عم أنا مش بتاع انتماء ولاء ولا جمهور ولا أي حاجة، أنا شوف هتعمل إيه عشان إيه أنا أخلص القصة”.
وواصل زاهر:” فطبعاً الكلام ده مع النادي الأهلي ما امشيش، وقال لك، خلاص أنا مكمل معاك بقى، نفسية إيه اللي أنا أثرت معاك فيها؟ أنت عندك عقد أنا احترمت عقدك والتزمت بعقدك وقلته لك، والنادي الأهلي كان ملتزم جداً وما فيش أي قصة تودي لأي حتة، فمشهد
الحقيقة غريب جداً ومشهد عجيب. النادي الأهلي منتظر مسدات الحكم علشان يطعن عليه في المحكمة الدولية، المحكمة الرياضية الدولية “كاس”.
واختتم:” أنا شايف الحقيقة الراجل ملوش حق في حاجة خالص ويعني حتى أدبياً مالكش إنك تتكلم في أي موضوع، أنت شايف
[02:05] النتائج وشايف الأداء وشايف القصة وشايف الموضوع ومشيت بشكل كويس وليك مبلغ أخدته وخلاص”.
