بعد الفوز أمام الحرس..معتمد جمال يكشف كواليس “خطة فتوح” وسر استبعاد شيكو بانزا وموقفه من أزمة التحكيم!
كشف معتمد جمال، المدير الفني لنادي الزمالك، عن كواليس مشاركة أحمد فتوح ظهير أيسر الفريق في مركز جديد، أمام حرس الحدود، وسبب غياب الأنجولي شيكو بانزا، وكذلك موقفه من. ازمة التحكيم.
وفاز فريق الزمالك على حرس الحدود بهدفين دون رد في المباراة التي أقيمت بينهما على ستاد القاهرة الدولي، في إطار مباريات الجولة الثامنة عشرة لمسابقة الدوري الممتاز، ليرتفع رصيد الأبيض إلى 34 نقطة .
وأضاف جمال، في المؤتمر الصحفي بعد لقاء حرس الحدود:” الحمدلله على المباراة كانت صعبة جدا بالنسبالنا وبالنسبة لحرس الحدود والشوط الأول كان صعب علينا وكان بيمثلنا ضغط كبير لأن الولاد كانوا مستعجلين لأننا لما نسجل هدف الدنيا هتهدى شوية،.
وواصل:” يمكن الشوط الثاني كان أحسن شويه واللي اتفقنا عليه مع اللعيبه اللي نزلت عملوه.. حاولنا نقسم الماتش على مراحل والشوط مشي زي ما احنا عايزين وهنفكر في الماتشات اللي جايه لأنها صعبة”.
وأكد جمال:” مشاركة أحمد فتوح النهارده في مركز 8؟ كنت مرتب معاه لأن هو كان مصاب وبقاله فتره مبيلعبش وكنت مقسم المباراة لما يخرج عبدالله السعيد يشارك مكانه وهو عمل المطلوب منه “.
واردف:” فرصه شريف؟ مبحبش اتكلم مع اللعيبه بعد الماتش ولكن الحاجات دي بتبقى واردة “.
و عن بيان نادي الزمالك ضد التحكيم؟ قال جمال:” مبحبش كمدير فني اعلق على موضوع التحكيم”.
وأتم:” غياب شيكو بانزا؟ كان مصاب في الخليفه وملعبش مباراة سيراميكا ولا النهارده وهنشوف موقفه الفتره الجايه”.
