كشف معتمد جمال، المدير الفني للفريق الأول الأول لكرة القدم بنادي الزمالك، عن سبب شعوره بالحزن، وموقف الثنائي محمد عواد وآدم كايد.
وفاز الزمالك على نظيره زد بهدفين مقابل هدف في المباراة التي أقيمت بينهما على ستاد القاهرة الدولي، في الجولة التاسعة عشرة لمسابقة الدوري الممتاز، ليرفع الأبيض رصيده إلى 37 نقطة يحتل بهم صدارة مسابقة الدوري.
و أضاف جمال، خلال المؤتمر الصحفي عقب مباراة زد:” زي كل المباريات صعبة جدا ولينا دوافع وهما كذلك احنا بنحارب على الصدارة واشتغلنا على الفوز بعد الهدف رجعنا ورا شوية وبعد كدة صلحنا الأمور في الشوط الثاني ولكن جه التعادل ولكن الحمد لله قدرنا نسجل الثاني ونحقق الفوز”.
و أكد: “اتكلمنا مع اللاعيبة اننا مش ناقصنا حاجة بسبب الظروف اللي احنا فيها هي فعلا معادلة صعبة ولكن اللاعيبة كانت مصدقاني واول ماتش ليا كان قدام زد في كاس العاصمة وخسرنا ولكن الامور اتحسنت كتير وانا بقول دايما ان معايا احسن لاعيبة في افريقيا وهما مصدقين ده”.
وقال جمال:” الفوز السادس على التوالي في الدوري وحزين على ماتش سيراميكا في الكاس وان شاءالله اللي جاي افضل”.
وأردف: “تغيير بيزيرا عشان تعب وجري كتير وإضاعة فرصة محققة ده غياب توفيق هو شاف ان الطريقة اللي وضع بها الكرة هي الأنسب له وكل الناس بتضيع فرص مش بيزيرا بس اللي ضيع”.
وواصل جمال:” اختلف مع اللي بيقول في فوارق فنية بين لاعببتي والفرق الاخري لان عندي احسن لاعيبة زي ما قولت “.
وشدد:” موقف عواد هو كان في تحقيق وخلص ومستني قرار المجلس لو موجود فهو اضافة لنا “.
وأتم:” ادم كايد كان مصاب في السمانة وقريب هيكون موجود”.
