في تصريحات حملت الكثير من المفاجآت والرسائل الموجهة لمنظومة الكرة المصرية، حسم الإعلامي سيف زاهر الجدل المثار حول ترتيبات مباراة “زد” والنادي الأهلي المرتقبة غداً، معلناً عن سياسة جديدة تضع “المشجع” فوق أي اعتبار مادي أو إداري.
وقال زاهر، خلال تصريحات تليفزيونية ببرنامج “ملعب أون”، عبر قناة” أون سبورت”‘”كل الناس مستنيه الرد بتاعي وكل الناس بتبعتلي تقولي هو زد هيعمل ايه مع الأهلي بكره”.
و تابع:” يا جماعه مباراة بكرة هي مباراة الأهلي وليست مباراة زد واللي وصلنا دعوات قليلة ورغم كده بكرة هنطلع بيان رسمي نقول فيه لو الأهلي محتاج تذاكر من المقصورة الأمامية هديهاله”.
وشدد زاهر:” شعار زد هو أي تذاكر مع نادي زد أمام أي نادي جماهيري هتروح للنادي الجماهيري .. مش هتفرق لما الجماهير تحضر بدل لما يكونوا 250 يكونوا 300 لان الجمهور أصل اللعبة”.
و أضاف:’ كلامي لكل الأندية الغير جماهيرية يا جماعة في أندية بتعلي سعر التذاكر و تحرم الجمهور من الدخول ومع ذلك الجماهير بتشتري التذاكر، وفي دعوات لأندية الناس بتاخدها بتروح بتيشيرت نادي تاني وتشجع ناديها الأصلي”.
وواصل زاهر:” طب وليه تصعبها على الجماهير، الجماهير تحترم التجارب وتحترم أي حد يقدرها و يعرف قيمة الجمهور”.
وأتم:” الجمهور يزود من حماس الفرق كلها و هما أصل اللعبة و مشاهد الجماهير في المدرجات حاجه تفرح ولازم الكل يبقى عايز الصورة كده”.
