علق إبراهيم صلاح المدرب العام في نادي الزمالك على بيع نجم خط الوسط نبيل عماد دونجا للنجمة السعودي، خلال الميركاتو الحالي، مشددا أن اللاعب ليس له بديل.
وقال صلاح، خلال تصريحات تليفزيونية عبر برنامج “هاتريك”، على قناة” أون سبورت 2″:” بعد رحيل دونجا إلى الدوري السعودي؟ أنا مبحاولش أتدخل في حاجات بره الفنيات.. لكن أكيد مجلس الإدارة شايف، أو إدارة الكورة في الزمالك شايفه إن العرض يكون مناسب لدونجا”.
وأردف: “وأكيد دي فرصة ليه برضه، إنت عارف 30 سنة ففرصة احتراف وكده فما بتجيش كتير.، فاكيد هو الاتفاق اللي بيمشي في الآخر، نادي الزمالك شايفه في مصلحته هو اللي بيتم”.
وشدد صلاح:” إحنا على المستوى الفني أكيد هنفتقد دونجا، لعيب كبير ولعيب خبرات بشكل كبير جداً، ونحاول نشوف المتاح بالنسبة لنا اللي بنشتغل عليه الفترة اللي جاية”.
وتابع: “بخصوص البدائل في مركز “6” (الارتكاز) ؟ دلوقتي حالا مفيش حد خالص (في مركز 6 الأصلي)”.
و أضاف صلاح:” بنستعمل محمد إسماعيل، وعندنا سيد أسامة ووائل الفرنسي طبعاً من اللاعيبة الشباب.. لكن عندنا أعتقد عودة ربيع قريبة ومحمود جاد ومحمد شحاتة، فبالتالي نقدر نشوف الأنسب اللي بكون متاح بالنسبة لنا وبنشتغل عليه”.
وأختتم:” وعن توظيف محمد إسماعيل في هذا المركز؟ محمد إسماعيل الراجل بيعمل اللي عليه في حدود اللي بيُطلب منه.. مطلوب منه يشتغل في حتة 6 بيشتغل، مطلوب منه يشتغل كباك يمين في بعض الأوقات بيشتغل، فبنشكره على ده إن الراجل بيحاول يكون اللي بيُطلب منه بيشتغل فيه، لكن هو مش مركزه الرئيسي فبيحاول يؤدي فيه على قد ما يقدر”
