كشف الإعلامي محمد طارق أضا، تطورات إصابة خماسي الزمالك، وذلك يبل المواجهة المرتقبة أمام فريق زد، ضمن منافسات بطولة الدوري.
وقال أضا، في تصريحات تليفزيونية عبر قناة “صدى البلد”:” عمرو ناصر الناس بتسأل هو فين عمرو ناصر؟ مش موجود ليه؟ هل خروجه خروج فني؟ ولكن الزمالك بيعلن إن اللاعب كان عنده إصابة، اللاعب الفترة اللي فاتت كان عنده تمزق في العضلة الخلفية، ولكن بدأ يرجع في التدريبات واحدة واحدة، وقريبًا جدًا هنشوف اللاعب داخل القائمة وسكواد نادي الزمالك في اللقاءات القادمة”.
وأكمل: “مين تاني في نادي الزمالك رجع من الإصابة؟ اللي رجع من الإصابة هو صبحي، صبحي رجع من الإصابة اللي كان عنده التهاب في وتر أكيلس، والزمالك قرر يريحه عشان الموضوع ما يتفاقمش”.
وشدد أضا:” واعتمد كابتن معتمد على المهدي سليمان، المهدي تألق صراحةً، وظهر بشكل جيد جدًا، حتى الماتش اللي فات أمام حرس الحدود شفنا صبحي موجود على دكة البدلاء، أه رجع، ولكن كابتن معتمد ساب المهدي يكمل طالما هو متألق، وصبحي ممكن واحدة واحدة يبدأ يخش مرة تانية للقاءات”.
و أضاف: “أيضًا محمود جهاد بيتعافى من الإصابة داخل نادي الزمالك، وأصبح جاهز للمشاركة في اللقاءات القادمة، محمود جهاد من اللعيبة اللي جمهور الزمالك بيسأل عنها كل تلات ثواني، فين جهاد؟ فين جهاد؟ كان فين جهاد”.
و تابع أضا:” وربيع؟ ربيع خلاص بيرجع،، أحمد حسام طبعًا كان عنده إصابة قطع رباط صليبي، وتعافى وشفناه بيرجع وبدأ يخش واحدة واحدة، ولكن محمود جهاد أيضًا بيتعافى من الإصابة وممكن نشوفه مع الزمالك قريب”.
