أوضح الإعلامي إبراهيم عبد الجواد، تطورات صادمة بشأن أزمة محمد عواد حارس مرمى الفريق الأول لكرة القدم بنادي الزمالك ووجه له رسالة خاصة.
وقال عبد الجواد، خلال تصريحات تليفزيونية ببرنامج “ملعب أون”، عبر قناة”أون سبورت”:” بالنسبة لعواد، عواد غايب عن التمرين وتم استدعاؤه للتحقيق، لائحة الزمالك بتقول إيه؟ بتقول إن أي لعيب بتوقع عليه عقوبة عنده الحق إنه يروح يعمل تظلم عن هذه العقوبة أو ضد هذا القرار اللي وقع عليه، فعواد عمل التظلم ده، تم استدعاءه للتحقيق مع الشؤون القانونية وهو ما راحش، فغايب بقى له فترة ما بيروحش التمرينات “.
وواصل:” كده هيبقى غايب لفترة مش قليلة لأن الزمالك عنده ماتشين على ستاد هيئة قناة السويس، الماتش اللي جاي بتاع كايزر تشيفز والماتش اللي بعديه بتاع سيراميكا في الكأس، فالمعسكر اللي هم فيه دلوقتي في إسماعيلية هم موجودين فيه لغاية نهاية الماتشين دول، وبالتالي عواد لو ما راحش المعسكر لا هيخش ماتش كايزر تشيفز ولا الماتش اللي بعديه ”
وأختتم عبد الجواد: “أرجو عواد -وعواد من الشخصيات المؤدبة المحترمة جداً جداً وشخصية على فكرة ولعيب ليه بصمات جوه الزمالك وليه رصيد ساهم في تحقيق بطولات- أي خلاف في وجهات النظر ما يبعدكش عن الملعب لأن كل جمهور الزمالك بيقول إن أنت واحد من أهم الحراس اللي موجودة، وتستحق تكون الحارس الأساسي، فاختلف، اشتكي، اتظلم، اعمل كل حاجة بس ما تبعدش عن الملعب لأن أنت شخصية محترمة ولاعيب”.
شاهد:
