علق الإعلامي أحمد شوبير، على تعادل الأهلي أمام البنك الأهلي،ضمن منافسات بطولة الدوري المصري،وانتقد الصفقات الجديدة.
وقال شوبير، خلال تصريحات تليفزيونية عبر برنامج “الناظر”، على قناة” النهار”:” يا دوب الأهلي اتعادل بالعافيه مع البنك الأهلي، البنك الأهلي لحد الدقيقة 75 هو الأفضل وحارس مرماه محدش اختبره ولا الشناوي والكره الوحيده وصلت هنا هدف وهنا هدف”.
وأضاف'” النهارده بنتكلم عن دفاع النادي الأهلي، دربكة رهيبه .. بنتكلم على الهدف اللي دخل الأهلي واتكلمنا عن الكرات الثابته والتمركزات كانت غلط، كوكا مش باك ليفت فمش هقدر اتكلم عليه ولا الومه”.
وأكمل شوبير:” انت جبت بلعمري ومقعده بحجه إنه مش جاهز واحنا صدقناك، رجعت شكري ومقعده وغالبا أنت مش مقتنع بيه، أنت لما بتطلع لعيب لازم تجيب لاعب فارق. بتجيب لاعب يكسر الدنيا”.
و شدد: “أنا مش شايف فروقات بين أحمد عيد اللي جبته وعمر كمال اللي مشيته، بل إن عمر كمال افضل بصراحه ولأنه بقاله فتره طويله كمان في الأهلي وواخد على الفريق”.
وواصل شوبير:” مروان عثمان بيقاوح ولكن جراديشار كان بيصنع وبيتحرك وجايب لاعب معاه ومفيش شراسه هجوميه حتي حسين الشحات لعبته شمال وهو يمين ومفيش مركزية “.
و أردف:” السؤال اللي بقوله انت بتعمل صفقات بناء على رأي مين نفسي افهم، زعلوا مني البعض لما اتكلمت في قصه الصفقات واتعمل عليا حلقات وقصص .. وانا كنت بتكلم فني .. وإحنا مش هنقعد ندور على مبررات ده التعادل السادس للأهلي في الدوري والأهلي واستقبل 15 هدف وفقد 15 نقطة في 14 مباراة مكنتش بتحصل في سنتين”.
وزاد شوبير: “هل ازمة امام اثرت على الاهلي ولا هتافات الجمهور النهارده، توروب مظلوم جدا، هل القماشة مش جيده؟ هل معقول مندوب الاهلي يروح الاردن ويرجع خالي الوفاض من غير عودة فاخوري، وهل معقول يروح العراق ويرجع من غير مصطفى قابيل”.
واستانف:” ايوه طبعا اللعب للاهلي شرف، ولكن احنا بقى في فلوس ومنافسه واحتراف و متحملش المنافس انه يتعاقد وبيعمل صفقات هل لو ابراهيم عادل جه الاهلي الموسم المقبل هل ضربه لبيراميدز؟، لا طبعا”.
وأختتم:” الاهلي ليس في افضل حال وعنده مباراة هامه جدا وصعبه امام الجيش الملكي هنا بعد شبيبة القبائل”.
