تعليق قوي من أفشة على ازمة إمام عاشور.. ويؤكد لم يأخد مكاني

علق محمد مجدي أفشة، لاعب الاتحاد السكندري، الى تمرد إمام عاشور نجم الأهلي، ورفضه السفر مع الفريق لتنزانيا.

وقال أفشة،خلال تصريحات تليفزيونية ببرنامج” الكورة مع فايق” ،عبر قناة “mbc مصر 2″، ردا على سؤال إيه رأيك في اللي عمله إمام عاشور؟:” مش عارف، إمام لعيب كبير ممكن يكون عنده تصرفات كدة بياخدها بتاعته هو، لكن خلاص هو غلط والنادي عاقبه. كابتن وليد (صلاح الدين) اتكلم إنه وقفه أسبوعين، أتمنى إنه إن شاء الله يرجع يركز ويبقى أحسن من الأول”.

وأكمل:” بتتكلم مع إمام ولا مابتتكلمش؟ ولو عايز تقول له حاجة دلوقتي تقول له إيه؟” بنتكلم على طول، كنت بكلمه من تلات أيام أصلاً فيديو كول إحنا واللعيبة كلها. أنا بحب إمام وهو عارف حاجة زي كدة، إن شاء الله الفترة الجاية يرجع لمكانه الطبيعي ويلعب لأن دوره مهم في الفريق”.

وتدخل الإعلامي إبراهيم فايق قائلا:” بتقول كدة رغم إنه إمام ممكن يكون أخد مكانك؟، ليرد افشه: “هو مأخدش مكاني، هو ده رزقه خلاص، وأنا مقتنع بكده تماماً والله مش عشان التليفزيون، أنا مابحبش كدة أصلاً”..

وشدد:” أنا ببقى زعلان (من عدم اللعب) لكن إن هو يلعب وأنا العب دي حاجة بتاعة ربنا، زعلي بيبقى من قرار المدرب، مابتصش للشخص نفسه على إنه هو السبب”..

وأختتم:” أنا قلت لإمام كدة أول ما جه الأهلي، قلت له أنت مالكش دعوة بيا، أنت بتلعب في الفرقة، مشكلتي لو عندي مشكلة تبقى مع المدير الفني أروح أتكلم معاه، لكن أنت العب واتبسط.. اللعيب اللي بيلعب ملوش ذنب”.