علق أيمن يونس، نجم الزمالك السابق، على أزمة إمام عاشور، لاعب الأهلي مع فريقه، مشددا أنه لم يشهد أي تجاوز من عاشور وقت تواجده بالفارس الأبيض.
و أجاب يونس،خلال تصريحات متلفزة عبر قناة “أون سبورت” على سؤال هل أنت مع فكرة التدوير سواء في الأهلي أو في الزمالك في حراسة المرمى؟: “•أي مكان ممكن تدور فيه إلا حارس المرمى إلا حارس المرمى، ولا مع ده في الأهلي ولا مع ده في الزمالك، أولاً كلام كابتن ميهوب كلام محترم قوي ونظرة واقعية في تركيبة مصطفى شوبير
وتابع:” أنا بس بحب الجولكيبر اللي ذهنه حاضر، وهي دي ميزته.. ذهنه حاضر. مصطفى شوبير بيعرف يعيش 90 دقيقة ذهنه حاضر في الـ 90 دقيقة وما بيفقدش تركيزه .. بصراحة مصطفى شوبير مميز، ذهنه حاضر تماماً”.
وسأله إبراهيم عبدالجواد قائلا:” كابتن أيمنبواقع معرفتك وتعاملك السابق مع إمام عاشور، هل بتشوف إن الموقف اللي فات اللي خلاص إمام اعتذر عنه والصفحة اتقفلت هيكون هو الأخير؟
ليرد يونس:” أولاً، أنا بحترم الأندية اللي عندها لوايح قاسية، ودي حاجة تبقى بيني وبينك ما بنقعدش نرغي، وأنت مش مستني وكل واحد يألف عقوبة”.
وأشار:” أنت بيني وبينك لائحة. أنت راجل محترف بتاخد 50-70 مليون، لو اللائحة ما بتديش للنادي حقه يبقى مش معمولة لائحة في الأندية الكبيرة”.
وواصل يونس:” وأنا عشان كدة بزعل قوي لما كنت بمسك اللوايح في نادي الزمالك، أنا بالذات لما كنت باجي وأتفرج إن اللائحة لا توازي العقوبات اللي يستحقها لأن اللعيب خلي بالك شريك مع النادي”.
وشدد:” يعني العقلية، عقلية اللاعب لازم تبقى محترفة مش عقلية هاوية. تصرف إمام تصرف هاوي.. هاوي، حتى لو مش عايز تسافر، عندك إزاي ما تقول إن أنا مش عايز أسافر؟ من حقك ساعات تبقى مرهق، تعبان، مش قادر، نفسيتك مش تمام.. اتكلم”.
وأختتم:* لكن أنا إمام لما كنت بتعامل معاه كان في تكوينه كان حابب قوي الملعب وحابب قوي ينزل، وبيلتزم قوي ومنضبط قوي.. ما شفتش منه حاجة وحشة في نادي الزمالك بصراحة”.
