علق معتمد جمال المدير الفني لفريق الزمالك ،على الفوز أمام المصري، ضمن منافسات بطولة كأس الكونفدرالية الإفريقية.
وقال جمال، في تصريحات عقب المباراة: “الحمد الله علي الفوز ومباراة مهمة بالنسبة لنا .. الفريقين كتاب مفتوح لبعض”.
وتابع:” بشكر نبيل الكوكي المدير الفني لفريق المصري .. قدم مباراة كبيرة هو والفريق وجهازه المعاون”.
و أضاف جمال: “قسمنا المباراة علي اكتر من جزء وقدرنا ناخد اللي عاوزينه من اللقاء ” .
وشدد: “طول العمر جمهور الزمالك واقف في ضهرنا.. ومن فير جمهور الزمالك بنقل 90 في المية من قوتنا وهو ده جمهور الزمالك وفي أندية ماعندها قوة جمهورنا “.
وأشار:” ادم كايد قدم مباراة مميزة وعاوزينه يجيب جون مش كل مرة هنقول كرة حلوة وادم بيقدم كل اللي عنده، كل مباراة لها لاعبين محددين ونختار بناء علي الخصم اللي قدمنا وكل اللاعبين هيشاركوا بناء علي المباريات “.
وواصل جمال: “محمد اسماعيل اي مدرب يتمني وجوده في الفريق وبيلعب في اي مكان خدنا كل اللي عاوزينه من اللقاء ”
وأردف: “مش عارف الكرة اللي جت علينا من ضربة جزاء صحيحة ولا لا وكنت عاوز اطلع الشوط الاول واحد صفر “.
وأكمل:” دونجا وعبد الله السعيد مش اجهز حاجة ولكن وجودهم ضروري مع الفريق ومقدرناش ندفع به … ونص الفريق عندي كان عنده دور برد ولكن اللاعبين تحملوا علي أنفسهم وجينا عليهم بسبب الإصابات “.
وأختتم: “شيكو بانزا عمل ضربة الجزاء واي لاعب بيخطا ويصيب واللي جاي هيكون افضل ونشتغل كويس مع المجموعة اللي بتلعب قدام … وبعد اول هدف لخوان بيزيرا وشيكوا هتلاقي الامور افضل”.
