أعرب وليد صلاح الدين، مدير الكرة بالنادي الأهلي، عن ارتياحه الشديد للنتيجة التي حققها الفريق امام شبيبة القبائل، في ظل الظروف الصعبة والجدول المزدحم بين البطولتين المحلية والإفريقية، مؤكدًا أن “التوفيق” كان عاملًا حاسمًا في هذه المباراة تحديدًا.
وقال صلاح الدين عقب التعادل أمام شبيبة القبائل:” احنا لعبنا مباريات كتيرة بين الدوري وافريقيا.. يمكن دي المباراة الوحيدة اللي كان معانا فيها توفيق كبير”.
وتابع:” كانت رحلة مرهقة بشكل غير عادي وكويس أننا جايين بطائرة خاصة رغم كده قعدنا كتير علشان نطلع من المطار وبعدين خدنا اتوبيس ساعتين وإرهاق غير طبيعي”.
وشدد صلاح الدين:” والموضوع باين حتى من خلال الإصابات.. أنا بشكر اللعيبه الرجاله اللي تحملوا قدر كبير من التعب وده قدرنا يعني”.
وواصل:” علشان كده توروب قرر يدي بكره أجازه لكل اللعيبه حتى اللي في القاهرة ”
وأختتم:” يمكن بس إمام عاشور طلب يوم اجازه زيادة علشان يروح يعمل عمرة واحنا وافقنا عليها”.
