أشاد الثعلب الصغير، حازم إمام، نجم الزمالك السابق، بالتحول الفني الكبير الذي شهده أداء الفريق الأبيض خلال الشوط الثاني من مباراته أمام حرس الحدود، مؤكداً أن التغييرات التي أجراها الجهاز الفني بقيادة معتمد جمال كانت هي المفتاح الحقيقي لتحقيق الفوز.
وقال إمام، خلال تصريحات تليفزيونية عبر قناة “أون سبورت”:” تغيير محمد إسماعيل ونزل محمد السيد، محمد شحاتة اتحرر بشكل كبير جداً الشوط الثاني، محمد شحاتة من أحسن الماتشات ليه بقى له فترة كبيرة جداً، هو ده شحاتة الواحد عارفه بياخد الكورة ويعدي”.
وأضاف: “تغييرة النهارده فتوح أنا شايفها من أحسن التغييرات في نص الملعب، بص الكورة دي عملها حلوة جداً لبيزيرا، عمل كورة حلوة جداً لمحمد إبراهيم، بعديها هتلاقي دايما هو محور الأداء في حتة الـ Key player بيلعب كورة مهمة، كورة صعبة مش أي حد يلعبها”.
وشدد إمام:” في كورة عملها فتوح الشوط الثاني هتلاقيه عملها لمحمد إبراهيم، محمد إبراهيم رفعها لمحمد السيد، جون طلعها زونفولي، الحاجات دي مهمة جداً”.
وواصل: “توظيف النهارده فتوح ناحية اليمين مش ناحية الشمال مع إنه باك لفت ، بص هنا طبعاً كور عرضية من نتايج حلوة جداً دخل جوه الملعب بشكل كبير جداً، ويمكن الزمالك لغاية لما جاب الجون أهم حاجة عنده كانت الكورة العرضية، يعني لو جبنا الكورة بتاعة قلت لك عليها محمد إبراهيم اللي عملها لمحمد السيد هي دي أخطر كورة في الشوط الثاني، هتلاقي الزمالك بيحاول إنه يلعب على الأطراف ويلعب الكروسات لأن حرس حدود قافل نص الملعب”.
واردف إمام:” فتوح من ساعة ما نزل دايماً الكور اللي في نص الملعب فيها حاجة غريبة حاجة حلوة هو فتوح بيعملها، فتغيير كويس جداً مفاجئ جداً دخوله جوه الـ 18 بالشكل ده هايل”.
وأكمل: “معتمد عمل تغييرات كويسة جداً جداً، اللعيبه فاقت الشوط الثاني بشكل كويس، حسام والونش كانوا كويسين قوي الشوط الثاني ما بيخلوا الكورة بياخدوها من قدامهم يحط على طول لعيبة”.
وأختتم:” لكن وجهة نظري شحاتة وفتوح لما نزل الاتنين دول بالذات شحاتة كمان بقى كويس قوي قوي قوي وبياخد الكورة ويشق لغاية قدام، ده اللي محتاجه كان نادي الزمالك الشوط الأول ما كانش بيعملها خالص وكان ميس باس (Miss pass) كتير “.
