برر حسام المندوة، أمين صندوق الزمالك، بيع لاعبي الفريق الأول لكرة القدم بالنادي، وأوضح هل القراز منفرد لـ جون إدوارد، المدير الرياضي.
وقال المندوة ردا على سؤال أحمد حسن عبر برنامج “الكابتن”، على قناة” دي ام سي”، يمكن وقت التعاقد مع جون إدوارد كان في كلام إنه هيجي لعيبه وأرقام صغيرة والدنيا هتبقى زي الفل .. لكن مشوفناش اي حاجه من دي بل العكس شوفنا بيع لعيبه.. ليه؟:” هو احنا بس اللي بنبيع لعيبه في أندية كثيرة، ظروف النادي الحالية كانت صعبة وخارجه عن إرادة الجميع”
وعاد وسأل أحمد حسن: “حد يقولك اشمعنى دلوقتي في بيع لعيبه ولو هي كده متمش بيع زيزو ليه وكان جايب 7 مليون؟ فهل ده قرار جون إدوارد مش الإدارة؟ .
ليجيب المندوة:” زيزو مجبشي الأرقام دي يا جماعه مفيش حاجه من دي حصلت لا 7 ولا 6 مليون دولار .. رغم اني كنت مع البيع وقتها، الظروف الحاليه يمكن هي السبب في البيع .. ومفيش حاجه اسمها قرار جون إدوارد لوحده”.
وتابع:” جون إدوارد المدير الرياضي في اي قرار يخص كرة القدم بيكون بالتشاور مع المشرفين على ملف الكرة حاليا رئيس النادي كابتن حسين لبيب ونائب رئيس النادي كابتن هشام نصر ”
وأختتم:” ولو في قرار بيحتاج تصويت لمجلس الإدارة بيتم.. لكن مفيش حد بيدير النادي لوحده “.
