كشف حسام المندوة، أمين صندوق نادي الزمالك، عن حقيقة غضب عبدالله السعيد نجم الفريق، بعد تغييره خلال مباراة زد في الدوري، وهل تم التفاوض مع حسام عبد المجيد لتجديد عقده.
وقال الإعلامي سيف زاهر موجها حديثه لحسام المندوة:” بتشوف من وجهة نظر حضرتك يعني بعض الناس على السوشيال ميديا كانوا بيتكلموا على لقطة عبد الله السعيد وتغييره وكان عصبي جداً، بتشوف إن دي عادي يعني عصبية ملعب ولا بتشوفها إزاي؟”
و أجاب المندوه، خلال مداخلة هاتفية ببرنامج “ملعب أون”،عبر قناة “أون سبورت”:” آه طبعاً لا لا عبد الله السعيد لعيب كبير جداً، نموذج يعني مش هنتكلم عليه عشان أي موقف كده، عصبية ملعب بلا شك يعني”.
واضاف: “أنا بحييه وبشيد بعبد الله السعيد نموذج المفروض يُحتذى به لكل اللاعبين، لكن طبعاً دي عصبية ملعب وشدة ويعني بنشوفها يعني موجودة”.
وشدد المندوة:” عبد الله أو أي حد تاني بيتغير في وقت معين حماسه يعني، وعلى فكرة برضه أنا شايف دايما لازم اللعيب المتحمس ده وهو خارج لازم يكون عنده شيء برضه شوية من الغيرة، من الزعل شوية، ولكن ده الطبيعي يعني، لكن مابقاش فيها أي تجاوز”.
وبشأن بعض الأقاويل إن الزمالك وصل مع حسام عبد المجيد لاتفاق لتجديد عقده، أشار: “لا لا مافيش.. لا إحنا يعني أنا شخصياً ملف الكورة تفاصيله القوية مابتكلمش فيها خالص ومش أنا اللي مسؤول عنها، مسؤول عنها طبعاً رئيس النادي ونائب رئيس النادي، لكن مافيش أعتقد الفترة دي مافيش كلام في أي حاجة غير الحفاظ على المجموعة اللي موجودة”.
وأتم:” وأنا شايف إن نفسياً حتى كابتن معتمد جمال بيعرف يشتغل مع اللعيبة بشكل كويس كلهم يعني، فأنا برضه مـ.. مش قلقان من أي حاجة من الحتة دي خالص وشايف إن الدنيا ماشية بشكل كويس”.
شاهد:
