أوضح حسام المندوه امين صندوق نادي الزمالك، تطورات هامة بشأن أزمة أرض الفارس الأبيض وتفاصيل الأرض البديله.
وقال المندوة، خلال تصريحات تليفزيونية عبر برنامج “الكابتن”، على قناة” دي ام سي”:” ارض اكتوبر مشروع قومي لنادي الزمالك وكان عندنا مشكله كبيرة في ثبات الموقف، الأرض كان مفروض تدخل لنادي الزمالك خلال سنتين مليار و600 مليون جنية”
وواصل:” احنا لسه منتظرين موقف الأرض الجديدة وبرضوا اخر التطورات في الأرض القديمة، بنبارك للوزير الجديد الكابتن جوهر نبيل والمهندسة وزيرة الإسكان وبناشدهم في حل هذه الأزمة”.
و اشار المندوة: “لسه مفيش مكان محدد للأرض الجديدة لكن في بعض المقترحات اللي تمت بخصوص الأراضي واللي هيكون فيها بعض الامتيازات في منطقة الاستثمار بنسبه وتكون الأرض بنسبه أقل والعكس وده كان حسب كلامنا مع الدكتور أشرف صبحي والمهندس الشربيني اللي بنشكرهم على فترتهم” .
و تابع:” إحنا مفروض عندنا اجتماع الاسبوع المقبل في قصه الأرض لحسم الموضوع وكل اللي بنطلبه تسريع الإجراءات “.
وانهى قائلا:” إحنا هنقدم الدراسة في موضوع الأرض وعندنا إستعداد لبناء الأرض الجديدة اللي هتتوفر أو لو في حلول للأرض القديمة.. اي شئ مجلس إدارة نادي الزمالك مستعد ليه بإذن الله”.
