أبدى حازم إمام، نجم الزمالك السابق، عن رأيه في تواجد مدير فني أجني خلال الفترة المقبلة لتولي فريق الفارس الأبيض بدلا من معتمد جمال.
وقال إمام، خلال تصريحات تليفزيونية عبر برنامج “هاتريك”، على قناة” أون سبورت 2″ ردا على سؤال، في اراء منقسمة.. المعطيات اللي على الأرض بتقولك انك قريب من الأهلي فرق نقطة والدوري في الملعب يعني وفي الكونفدرالية انت اول المجموعة وبتنافس في كل البطولات.. تخش شويه في التفاصيل ملتقيش حاجه .. فهل انت على الأرض تجيب مدرب أجنبي ولا لأ؟:” لأ مجيبش مدرب أجنبي نهائياً، أدي اللعيبة فلوسها الأول”.
و أضاف: “الرجالة اللي معايا دي بجد النهارده وتحديداً الماتش اللي فات واللي قبله في مشاكل كتيرة جداً، اللعيبة دي تقريباً خدت 18% من عقودهم وإحنا في نص السنة، يعني المفروض ياخدوا 50%.”.
وأكمل إمام:” لو رحت تجيب واحد أجنبي بـ 20 أو 25 ألف دولار، طب ما إنت معاك فلوس أهو، طب ما تدي اللعيبة اللي بتلعب والي قاعدة معاك”.
و أجاب على سؤال بنفس المنطق يعني كان أحمد عبدالرؤوف يكمل؟:” أنا معرفشي أحمد عبدالرؤوف مشي ليه اصلا.. أنا لو عليا كنت عايزه يكمل يعني”.
وشدد إمام: “نا شايف إن معتمد يستحق الفرصة، لأن أي مدرب أجنبي هييجي في الظروف دي هيقولك أنا معنديش مقومات وما تقوليش آخد بطولة، فإنت هتجيبه والـ (Excuse) بتاعه جاهز إنه مش هياخد حاجة”
وواصل: “معتمد المرة دي داخل بشكل مختلف وبأفكار مختلفة، عن المرة اللي فاتت حتى شكل افىؤق كان مختلف، هو جاي على فرقة شكلها مش موجود وعنده إصابات كتير .. النهارده بيلعب المصري من غير الباكين ليفت ومن غير الباك رايت، ومعتمد اشتغل بفكرة التحولات في ماتش بتروجيت وعملها كويس جداً وكسب”.
وأشار إمام:” ليس في الإمكان أحسن مما كان، وأي حد أجنبي مش هيعمل اللي عمله معتمد؛ أول مجموعته في الكونفدرالية وكسب المصري اللي هو من أحسن فرق مصر حالياً”.
وزاد: “بس بص طول ما هو عنده إحساس إنك مش مدي له حاجة في رقبته إنه يكسبها هيمشي كويس، لكن أول ما تقول إحنا بنلعب على دوري الدنيا هتتلخبط، الجمهور دلوقتي مش حاطط ضغط على معتمد لأنه عارف الظروف صعبة”.
وأتم:” الفرقة دي حق ربنا (No way) تاخد دوري، إنت كل يوم ماتش بيقع منك واحد وما عندكش أدوات، ما عندكش غير سردباكين بس، ولو حد فيهم وقع ما تعرفش مين هيلعب”.
