وجه محمود عبد الرازق “شيكابالا”،نجم الزمالك السابق، رسالة نارية للنادي. بشأن أزمة محمد عواد، حارس مرمى الفريق، ويؤكد ناصر منسي” مش عاوز يمشي”.
وقال شيكابالا، خلال تصريحات تليفزيونية عبر قناة “mbc مصر 2″:” مشكلة عواد إن إنت عملت مشكلة وحليتها صح مع شيكوبانزا، يبقى لازم تحل دي. ما ينفعش أبيع اللعيب بتاعي وهو على قوتي”.
و أضاف: “طالما إنت بتحاول تلم كل الناس حواليك ما تبيعش اللعيب بتاعك، لما تحصل حاجة خليها جوه طالما مش حاجة كبيرة.من عواد إنت من أول السنة بتحاول بكل الطرق إنك تطلعه بره نادي الزمالك”.
وشدد شيكابالا:” هو (عواد) حابب إنه يبقى موجود فخلاص هو اللعيب بتاعك. ده بيخليك إنت كالعيب بتبقى مش بطبيعتك ومتنرفز ومستني أي حد يعملك كده”.
و أكمل:” إحنا مش عايزين دوشة يا إبراهيم، مش حابب إننا نطلع في التلفزيون من ناس جوه نادي الزمالك وأعضاء مجلس إدارة يطلعوا يتكلموا على حاجات جوه الفرقة، ده ما ينفعش. الزمالك نادي كبير ولازم نحترم إن الزمالك نادي كبير”.
ومن جانبه قال الإعلامي إبراهيم فايق عن ناصر منسي:” لازم تعظيم سلام لناصر منسي”.
ليرد شيكابالا:” جايبينه من علىه سلم الطيارة ده مرتين تلاتة، وهو اللي بيقول مش عايز أمشي، أنا زملكاوي وهفضل موجود هنا، ناصر من الناس الفراودة المختلفين جوه الـ 18، والجون بتاع سموحة الماتش اللي فات مختلف”.
