تغنى الإعلامي سيف زاهر،بجماهير الزمالك بعد الفوز أمام كايزر تشيفز، والتأهل لربع نهائي كأس الكونفدرالية.
وقال زاهر، خلال تصريحات تليفزيونية عبر قناة “أون سبورت”:” مبروك لكل الفرق المصرية.. أما قلت إن الكرة المصرية في أفريقيا هي الأسد المرعب كانت الناس بتستغرب’.
وأضاف:” أما قلت الزمالك بجمهوره غير محدش صدقني.. الزمالك يا أستاذ بجمهوره غير، حد يقول للناس يا جماعة في كايزر تشيفز، حد يقول للناس بره، حد يقول للناس إن الزمالك اللي راح لاعب زيسكو القصة مختلفة، حد يقول للناس إن الزمالك كان من غير جمهور، وحد يقول إن الناس الزمالك بجمهوره مختلف”.
وشدد زاهر:” النهارده فرقة نادي الزمالك تاخد العلامة الكاملة، معتمد جمال النهارده عامل مباراة كبيرة جداً جداً، لعيبة الزمالك النهارده الحقيقة عاملة أداء رائع”.
وواصل:” اللي ياخد الجايزة النهارده والتكريم جمهور نادي الزمالك اللي عمره ما يأس، اللي عمره ما كل ومل، في المباراة حاضر على طول بقوة. جمهور الزمالك النهارده هو المدرسة، وجمهور الزمالك النهارده هو صاحب المدرجات، هو صاحب الفوز فعلاً”.
وأشار زاهر:” لو إدارة الزمالك عايزة تكرم حد فتكرم جمهوره، لو نادي الزمالك بيدور على سر فوز هو في جمهوره، لو العظمة النهارده في عز الظروف الصعبة اللي الزمالك بيعدي بيها بيكسب ويعدي ويفوت في مباراة كبيرة فدور على جمهور نادي الزمالك اللي النهارده تقف وتسلم عليه وتقول له شابوه وتعمل له تمثال؛ لأن النهارده هو اللي قدر يلعب فرق كبيرة زي كايزر تشيفز، والحقيقة أداء رائع النهارده وأداء رجولي للعيبته”.
وأختتم: “ألف مبروك لجمهور نادي الزمالك، مبروك لمعتمد جمال، مبروك للعيبة الزمالك، مبروك النهارده الهدفين الرائعين، مبروك للرجالة، مبروك لمجلس إدارة نادي الزمالك اللي النهارده الحقيقة استحمل ظروف صعبة جداً ويستحق النهارده المباركة”.
