خرج الإعلامي سيف زاهر عن صمته ليرد على “حملات الهجوم” التي طالت عمرو الجنايني، رئيس اللجنة الخماسية لاتحاد الكرة الأسبق، وذلك عقب ظهوره في مقصورة استاد القاهرة يحتفل بجنون مع جماهير نادي الزمالك.
وقال زاهر، خلال تصريحات تليفزيونية ببرنامج “ملعب أون”، عبر قناة “أون سبورت”:” نبدأ بموضوع مهم، أنا شايف الحقيقة من امبارح في مباراة الزمالك حملة كبيرة جداً جداً على الأستاذ عمرو
الجنايني رئيس اتحاد الكرة الأسبق، ناس امبارح تقول لك إن بعد الهدف الأستاذ عمرو الجنايني كان موجود في المقصورة وقام
يحتفل مع جمهور نادي الزمالك، أهو اللي قدامنا أستاذ عمرو أهو، يعني إيه دي لقطة زميلنا مصطفى الدكش’.
وتابع:” الحقيقة أنا مش جاي أعلق على موضوع ولا حاجة، الجمهور قال لك آدي أهو عمرو الجنايني اللي كان بيقود اتحاد الكورة وعمرو الجنايني اللي كان في عهده وعمرو الجنايني القرارات وعمرو الجنايني أصل والموضوع والحكاية والرواية”.
وواصل زاهر: “يا جماعة بعد اذن حضراتكم أنا هقول كلمتين لوجه الله تعالى في شهر رمضان، وأنا بكن كل احترام للراجل ده وما عنديش أي صلة معاه ولا اتصال ولا أي حاجة خالص، أنا أعرف في الأستاذ عمرو في مواقف كتيرة جداً، أستاذ عمرو الجنايني
زملكاوي من يوم ما اتولد ولكن هو راجل في كل قراراته ومواقفه راجل محترم”.
وشدد: الراجل ده أثناء فترته في اتحاد الكرة المصري اختلف كثيراً مع إدارة الزمالك، وليه موقف مشهور مصور كان أحمد مرتضى في جمعية عمومية وكان ممكن يعديها وهو وقف لها وعمر ما كان في قرارات تخص أي حاجة”.
واكمل زاهر:” أرجو إن حضراتكم تستوعبوا مني الجزء ده أو الموضوع ده، أما يقعد حازم إمام أو عمرو الجنايني أو ميدو أو الكابتن أيمن يونس أو أي بني آدم فهو في النهاية زملكاوي، أما يقعد على كرسي اتحاد الكورة بيبقى عضو مجلس إدارة اتحاد الكورة، ما حدش بيحب حد أكتر من نفسه’.
وأشار:” أي واحد زملكاوي أهلاوي بيبقى عنده انتماء شديد ولكن ساعة ما بيقعد إحنا ما بنشوفش حاجة حق ربنا، ده مش دفاع عن الراجل ولا مثلاً إن أنا هطلعه من أزمة، عمرو الجنايني مش بتاع أفلام عشان الأمور تبقى واضحة يعني، واحد غيره يقول لك إيه أنا ممكن أجي في مركز أنا ممكن أرجع اتحاد الكورة أنا أنا”.
و أستطرد زاهر: “هو راجل أصلاً في منصب كبير بنكير كبير وفي شغله من الناس الناجحة جداً، ولكن هو الراجل بيقول لك أنا زملكاوي دي متعة حياتي أحتفل وأعمل طالما أنا مش على كرسي وأنا مش مسؤول يبقى ما حدش دلوقتي يحاسبني وأنا مش مستخبي من حاجة، يعني الكلام ده لو قاعد مثلاً عامل تمثيلية أو بيمثل أو تصريح أو أو، خالص”.
و زاد:” كل مصر عارفة عمرو الجنايني وانتماءه وكل مصر عارفة إن عمرو الجنايني في فترة توليه قاد الحياة بمنتهى الحيادية والاحترام، وكان معاه محمد فضل، أحمد عبد الله، دكتور محمد علي، دكتورة سحر، كل المجموعة اللي كانت موجودة دي شهادة حق بس جوايا لما قعدت قريت التعليقات والقصص والموضوع والحكاية أنا قلت إن أنا من جوايا لازم أقول لأن الراجل ده يستاهل الكلمتين دول”.
وأختتم: “بغض النظر هو راجل دلوقتي مش في مسؤولية ومش على كرسي، يستمت بقى بحياته ويشجع الزمالك ويعمل اللي هو عايزه زيه زي حازم، حازم إمام أما بيروح يتفرج على ماتش زمالك بيقعد يلف سبرنت حوالين الملعب على الهواء مباشرة حتى وهو في استوديو مافيش مشاكل، وهو في كرسي في اتحاد الكورة هو راجل عادل ومحترم وقراراته واضحة، دي شهادة بس للموقف ده في شهر كده إيه مفترج”.
شاهد
