كشف الإعلامي سيف زاهر، عن تفاصيل أزمة تواجه نادي الزمالك بشأن تحديد ملعب مباراته المقبلة أمام نادي كايزر تشيفز، والمقرر إقامتها يوم السبت الموافق 14 فبراير، ضمن منافسات بطولة كأس الكونفدرالية الأفريقية.
وقال زاهر، خلال تصريحات تليفزيونية عبر قناة “أون سبورت”:” نادي الزمالك عنده مباراة مع كايزر تشيفز يوم السبت 14 فبراير في الكونفدرالية.. مفروض موضوع بسيط”.
وأردف:” الزمالك مفروض يحدد ملعب المباراة قبلها ب10 ايام ويبلغ الكاف بيها، نادي الزمالك خاطب ستاد القاهرة.. لكن الاستاد عنده كذا ماتش بعده فهو مش هيقدر يستقبل المباراة “.
و أكمل زاهر:” والاتحاد الافريقي متبلغ إن المباراة في ستاد السلام، لكن نادي الزمالك دلوقتي بيبص على ستاد السويس بدلا من ستاد القاهرة لكن الكاف متبلغ إنه في السلام”.
وشدد:” أزمة من غير لازمة.. هي أزمة إدارية وكان مفروض الحاجات دي تنسق من بدري، اللي عايز أقوله أن الزمالك بدأ يتكلم مع ستاد القاهرة امبارح الساعه 3 الفجر .. فنتمنى الدنيا تمشي بشكل أهدى شويه”.
وأتم:” أتمنى الرابطة تشوف حل في قصه أن أغلب الفرق بتلعب في ستاد القاهرة.. لازم يحصل تنوع لان بيتلعب عليها كم كبير من المباريات”.
