وجه الإعلامي سيف زاهر، رسالة هامة إلى جون إدوارد، المدير الرياضي بالزمالك، ومحمد العاصي العاصي، المدير التنفيذي لنادي ألميريا الإسباني السابق، والذي يقال انه يعاون الأول في ملف الكرة بالفارس الأبيض، بعد هجوم الجماهير عليهما
وقال زاهر، خلال تصريحات تليفزيونية عبر برنامج “ملعب أون”، على قناة” أون سبورت”:” عندي رسالة أنا مش فاهم اللي حصل اوي ولكن الرسالة اللي جتلي هي اللي كانت موجودة النهارده في مدرجات الزمالك”.
وأردف: “معرفش إيه قصة جون إدوارد أو العاصي… جون إدوارد والعاصي اتنين من الناس الحقيقة المرتبة جداً في شغلهم وعاملين نجاحات كبيرة”.
و أكمل زاهر:” واضح إن حصل انتقاد في مباراة ليهم، فبعد كده كان في جواب لماتش الزمالك عشان الجمهور يسافر، الجواب مطلعش”..
وشدد: “أنا مش عارف الموضوع بالتفصيل بس النهارده كانت في رسالة موجهة من جمهور الزمالك لـ جون أو العاصي وإدارة الزمالك”.
وتابع زاهر:” الزمالك لجمهوره دي أنا مش محتاج أقولها ولا محتاج حد يسمعها، لو في أي مشكلة أو سوء تفاهم ده الرصيد الأخير لنادي الزمالك”.
وأختتم:” لو معاك ورقة بتكسب بيها رجالتك اللي في المدرجات فمش أنا اللي هوصي، الناس لازم تعرف حتى لو في وقت من الأوقات في انتقاد اقفل ودنك خالص واشتغل، هو ده اللي عاملك الشغلانة وهو ده اللي بيخليك تكسب، ده سلاحك الأخير ما تقربلوش ومتخسروش”.
؛وكانت جماهير الزمالك قد هاجمت جون إدوارد، و العاصي و مجلس الإدارة في مباراة كهرباء الإسماعيلية: مرددين هتافات:
ـ لا تقولي إدوارد ولا غيره.. الزمالك حي بجماهيره
– كابتن حسين ازاي الحال.. سلمت الفرقة لاتنين شمال
– هشام يا نصر صح النوم.. غرقت النادي واخدينها عوم
– لا تقولي عاصي ولا إدوارد.. نادي الزمالك من غيركوا هيقدر.
