أكد الإعلامي أحمد شوبير، أن الأهلي يعاني من ازمة دولاريه دفعته لعدم تدعيم فريق السلة في بطولة “البال”، وطالب محمود الخطيب رئيس الأحمر بضرورة ترتيب البيت.
وقال شوبير،خلال تصريحات تليفزيونية ببرنامج” الناظر”،عبر قناة” النهار”: “في قلق بالاهلي، مش عارف في شويه قلق،و الاهلاويه بعد هزيمة الزمالك والمصري قالوا الحمدلله تأهلنا ولسه الزمالك والمصري’.
وتابع:” بدا يبقى في شوية قلق الحقيقه معرفش لما بقول خبر الناس بتقول ليه تكون ضد الاهلي، مستحيل انا بالتحديداكون ضده
قولتلك مفيش سيولة دولاريه وهتنفرج وواحد يطلع يشتمك”.
واضاف شوبير:” الاهلي في بطولة البال بافريقيا كانوا عاوزين 3 لعيبه يدعموا فريق السلة، هيتكلفوا 280 الف دولار، وتم رفض التعاقد مع 3 لاعبين بسبب مفيش فلوس”.
و شدد: “هناك ازمة والمصاريف الدولاريه كبيره بعضها معقوله والاخر غير معقول، مشيت كولر وبتدفعله دولارات ومساعديه رفضوا التسويه، وجرارديشار مشيته اصل بيتقال مرتبه كبير ومشيته وجبت كاموتش والناس قلقانه منه”.
وواصل شوبير:” دافع لوكشه محترمه في الصفقات، هل اللي جه افضل من اللي مشي “.
وأشار.:” كباكا ناشئ الاهلي قال هكمل مع زد وقال بلعب وعارف انه ممكن ميلعبش ويفضل الاستمرار في زد”.
وأكمل شوبير: “اشرف داري، مصدر بالاهلي قالنا ان داري رفض يلعب في مصر، وقالهم عاوزين تلعبوني بره معنديش مشكله هو على قوة الاهلي ووقع علي رفع اسمه من القائمة لكن بشرط الحصول علي راتبه ولن يشكو الاهلي لانه بيدفع وفسخ العقد بقيمة اكثر من 2 مليون دولار، لازم يكون في اعادة ترتيب بالاهلي، الاهلي في غنى انه يكون في جبهه يمين وشمال”.
وأردف:” في ازمة سيوله وتعاقدات بالاهلي لما تجيب لاعب كويس هشيد به، في ازمة مش لطيفه في الصفقات ولازم يحسبوا الخسائر، علي الجميع ان يضع مصلحة الاهلي، هل الامور تغيرت وفي دربكه في الاهلي”.
وزاد شوبير: “مجلس الادارة مفيش قرارت مهمه والله اعلم الدنيا هتمشي ازاي، ولو الدنيا ظبطت في فرقة الكرة الامور هتظبط، وقولت الرجل مش معجب بلعمري وكان عنده حد معين يشوفه وقالوا له مصلحة النادي، وبيقعد مع اللاعب كل شويه، وبياخده معه وبيقعده في المدرجات وقلنا من الاول معندوش قناعه به”.
وأختتم:” عندي تفاصيل واحيانا بقول عناوين وبترك لك الاستنتاجات ولما يوصل الامر لحد معين بنطلع نقول التفاصيل
وقولت لكابتن خطيب لازم اعادة ترتيب البيت كله، تفاصيل التعاقد مع كاموتش مبشكش في الذمه الماليه بس ليه جراديشار مشي ومنقدرش نحكم الي كاموتش دلوقتي”.
