شن الإعلامي أحمد شوبير هجوماً حاداً على تخبط المواعيد واختيار الملاعب في الدوري المصري، تزامناً مع المواجهة المرتقبة بين الأهلي والإسماعيلي بملعب “الجيش ببرج العرب”.
و أضاف شوبير، في تصريحات تليفزيونية عبر قناة” النهار”: “بكره في ماتشات منها الاهلي والاسماعيلي في ستاد الجيش ببرج العرب
حل مشاكلك علشان نعرف نشتغل، الاهلي ليس مطالب يلعب المباراتين في برج العرب وكذلك الاسماعيلي”.
وشدد:” الاهلي عاوز يلعب في الاسماعيليه والاسماعيلي يلعب في القاهرة، اوعي تقولي الامن لان لما تقول الامن هتضرب تعظيم سلام”.
و أردف شوبير:” دي حاجه اسمها الباب اللي يجيلك منه الريح، الاهلي يروح الاسماعيليه ويلعب في ستاد الاسكندريه لمواجهة الاتحاد و اي حد يخرج عن النص القانون يطبق”.
وقال:” الاسماعيلي يجي القاهرة والاهلي يروح الاسماعيليه وده ما احب الي الاهلي”.
وواصل شوبير:” شممني ريحة الجمهور تاني، بتودي المصري برج العرب وتمن عليه وتوديه السويس اه ملعبه اتاخر، امتى ملعب المصري الجديد هيتفتح، وعدتني انه في شهر 12 وفات اكثر من شهر ولسه”.
وأتم:” بتراهنوا على ذاكرة الناس، دي مش شقه هتستلمها دي خطه وتقول هيفتتح يوم كذا وقولت ماتش الاهلي والمصري له ظروف خاصه”.
