كشف الإعلامي أحمد شوبير، تفاصيل عقد نجله مصطفى حارس مرمى الأهلي، وحقيقة المفاوضات لتجديده.
وقال شوبير، خلال تصريحات تليفزيونية ببرنامج “الناظر”، عبر قناة” النهار”: “تفاصيل التجديد بين الاهلي وشوبير لاول واخر مره اتكلم عن ده، اخر واحد ممكن تسأله عن تفاصيل المفاوضات مع الاهلي هو انا”.
وأضاف:” الناس اتريقت لما قولت مكنتش اعرف ان انضم للاهلي وهو ناشئ، لكن الولد اتمرن وتعرض لحملات وطبيعي، بدأت الحياه وبدأ ياخد فرصته واخد ثقه الجمهور واصبح له شعبيه جماهيرية”.
وتابع شوبير: “اللي حصل في مفاوضات التجديد كان من ايام كابتن خالد بيبو، مصطفى مدد عقده ايام امير توفيق وهو اقل راتب في الاهلي وعقده عمره ما وصل 5 مليون لكنه مبسوط وعشقه الاهلي”.
وشدد:” توقف الكلام عن التجديد ايام خالد بيبو، و عاد الكلام مع محمد يوسف وتوقف وانتهى، الولد ركز في عمله مبارياته، مايحدث لايوجد شئ رسمي في الحوار حول التمديد عقده ينتهي الموسم المقبل”.
وأشار شوبير:” بعد ما قرأت الكلام قولت اعرف القصه وسألت وعرفت، لم يحصل ترضيات لمصطفى خلال 4 سنوات وانا غير مؤمن بها، الرسمي جاله 3 عروض وكيله اسباني وجه من اسبانيا وقعد كابتن مع محمد يوسف وقاله المبدا في الاهلي كام وقاله مصطفى مش معروض للبيع “.
وواصل:” ثم قبل بداية الموسم كان في عرض رسمي من الخلود السعودي وطلبوا معرفه طلبات الاهلي والرد مصطفى مش للبيع، وفي الانتقالات الشتويه جه عرض وقالوا عاوزين نعرف طلبات الاهلي، و كان معروض عليه مبلغ كبير جدا في 6 شهور، الاهلي قال اللاعب غير معروض للبيع”.
وزاد شوبير: ” لم يحدث مفاوضات رسميه بشأن تجديد عقد مصطفي، كلام ودي ماشي، مصطفى شوبير اهلاوي ابن اهلاوي من اسرة عاشقه للاهلي وتدين بالفضل للاهلي، ده اقدر اقوله لكن كل واحد بيفكر في حياته ومستقبله”.
وأختتم:” هل قولت حاجه مبالغ فيها او خروج عن النص، مبحبش اولياء الامور يتكلم عن ابنه الا لو في ضرورة، سيبه يشتغل على دراعه”.
