كشف الإعلامي أحمد شوبير، عن مفاجأة بشأن معاناة لاعبي الأهلي بسبب مايحدث لهم من هجوم وطعن من داخل النادي.
و أضاف شوبير، خلال تصريحات تليفزيونية عبر برنامج” الناظر” على قناة “النهار”:” لما بتكلم عن إمام عاشور بقوله الأهلي أولا ولما أكلم اي موظف بقوله الاهلي كلامي واضح، لما قولت أن وليد صلاح الدين هو اللي خد القرار ضد إمام عاشور واتصل بكابتن الخطيب وسيد عبدالحفيظ بتكلم على حاجه متأكد منها ووليد قال نفس الكلام النهارده”.
و أردف: ” وقال اخدت القرار لا رجعه فيه، ايه المصالح الشخصيه في هذا الأمر، هل هلعب تاني ولا هبقى رئيس نادي؟ ايه المصلحه الشخصيه غير إنك تحافظ وتحمي الناس اللي بتدير الكره”.
و استأنف شوبير:” وتحمي اللاعبين اللي كانوا هيتقدموا بشكوى لرئيس الاهلي بسبب اللي بيحصل فيهم،، ولعيبه كبيره هل كابتن الخطيب عارف هذا الامر؟ اكيد عارفه”.
“.
واستطرد: “في لعيبه عيطت بسبب اللي بيحصل فيهم وأنا لما بمسك قضيه مش بسيبها، أنا لاباخد خبر من هنا ولا هنا حضرتك متطلعش ترمي الاتهامات ولا تكون اداه في ايد حد هفضل اتكلم مهما كانت الفاتورة اللي هدفعها، عمري ما هكون أداه في ايد حد ولا عمري كنت وبطلع اقول اللي جوايا مهما هدفع تمنه”.
وأتم:” بقول للكابتن الخطيب احمي لاعبيك واحمي ناديك ، لا أحد فوق النادي الأهلي مهما كان اسمه او وظيفته أو مين بيقف جنبه ومين سانده وبيقوله برافو واعمل وسوي، الموضوع ده غير مقبول على الإطلاق “.
