وجه الإعلامي أحمد شوبير، رسالة مبطنه بشأن عقد نجله مصطفى في الأهلي، بعد حديثه السابق عن عدم وحود مفاوضات من الأحمر مع شوبير الابن لتجديد عقده.
وقال شوبير عبر فيديو على حسابه على موقع “التواصل الإجتماعي”:” مش عاوز أرجع تاني لموضوع عقد مصطفى، لأني ما بحبش إن أولياء الأمور يتكلموا في الحاجات دي، ومش من حقي أرد بشأنه لأني مش وكيله، لكن من حقي أرد على الشائعات العبيطة”.
وأكمل:” عيب أصحى ألاقي هاشتاجات بالشكل ده، والأهلي أولًا يا شوبير، الأهلي أولًا وأخيرًا وفي العين والنن، فمتتعبش قلبك في القصة دي”.
و اشار شوبير: “العيب إنك تتكلم عن أرقام وتقولها وهي مالهاش أي أساس من الصحة، وأنا معرفش مين حط الهاشتاج ومين شاله، وكويس إنها جت في شوبير”.
و أردف:” وأنا بتكلم بصفتي أهلاوي، الناس محتاجة تتكاتف، لأن موقفنا في الدوري حرج، وجمهور الأهلي لازم ياخد باله من الهاشتاجات والحكايات اللي بترمي وتتعمل في وقت صعب”.
شاهد:
