وجه الإعلامي أحمد شوبير رسالة لـ اللاعب إمام عاشور لاعب الأهلي بعد تمرده مع الأحمر، ونصح نجله مصطفى بشأن هذا الامر
وقال شوبير عبر تصريحات تليفزيونية في برنامج “الناظر” المذاع عبر قناة “النهار”:” في رساله عايز اقولها بعد لقاء النهارده وهي إن إمام عاشور أكبر الخاسرين في الأهلي خلال 48 ساعه الماضية بعد اللي عمله “.
وأكمل:” محدش ساند إمام عاشور أكثر من جماهير الأهلي ولكن لا يمكن لجماهير الأهلي تقف معاك ضد النادي لا انت ولا غيرك “.
وشدد شوبير:” الرهان أن الجمهور ممكن يساندك اعتبره رهان خاسر من دلوقتي” ..
وأكمل:” أنت حطيت نفسك في موقف صعب جدا .. هو راح اتمرن النهارده منفرد وقدامه 12 يوم كمان علشان يرجع التدريبات الجماعية”.
وأشار شوبير:” أنت الفتره الجايه لازم تموت نفسك .. محدش حاجز مكانه وانت طول ما في الأهلي هتمشي بمبادئ الأهلي”.
وواصل: “عايز اوجه رسالة كمان النهارده لمصطفى شوبير، أنت يا مصطفى ماشي كويس، أداء جيد وبيكتسب ثقة من الجمهور والجهاز الفني واللعييه كمان”.
واردف شوبير:” الناس حباك وواثقه فيك ومتفائلين بيك .. اياك تلتف إلى الناس اللي بتقولك أشعار.. خليك زي ما انت ماشي بخطوات ثابتة وتأدي في الملعب “.
وأختتم:” حلو انك بتأدي وبتكتسب ثقه الجميع والمنافسه ببنك وبين كابتنك محمد الشناوي واي حارس كلها في صالح النادي الأهلي”.
