كشف محمود عبد الرازق “شيكابالا”، قائد نادي الزمالك السابق، عن تفاصيل مشروع قميص خاص كان من المقرر أن يرتديه الفريق تكريماً لشهداء النادي، موضحاً العوائق التي منعت ظهوره للنور.
و أضاف شيكابالا عبر برنامج” الكورة مع فايق”،على قناة “ام بي سي مصر 2″:” وبخصوص ذكرى نادي الزمالك، إن شاء الله جماهيرنا إحنا عمرنا ما ننساهم، أهو على طول فاكرينهم”.
وأكمل: “أنا كنت قاعد مع أستاذ خالد رفعت قبل كدة من كام سنة، فيه تيشيرت واحد في نادي الزمالك تمنيت إن أنا ألبسه.. تيشيرت “20” إحنا ما لعبناش بيه خالص”.
وقال شيكابالا: “ده عليه أسماء الشهداء، كل أسماء الشهداء موجودين، والماركة بتاعته يا إبراهيم “20””.
وأشار:” ده عملناه أنا والأستاذ خالد رفعت، كان عندنا مشاكل إننا كل مرة بنلعب ماركة مختلفة، فقلنا نلعب الماركة تبقى رقم 20 تبقى بتاعة نادي الزمالك وعليها أسماؤهم”.
وتابع شيكابالا:” ورحنا وقلنا للناس وقتها إحنا نفسنا نلعب بيها وفيه ناس ما وافقتش عشان عايزين يلعبوا بحاجات تانية أو كان في أمور تجارية تمنع كده”.
و أردف:” أنا قلت لهم دي كانت أكتر تيشيرت هتتباع لنادي الزمالك، تيشيرت ملهاش غير هي النسخة دي”.
وأتم:” فإحنا على طول فاكرينهم وعمرنا ما نسيناهم، والناس دي يا إبراهيم بص يعني حد بيحب ناديه بص راحت لفين.. فالناس دي إحنا فاكرينكم وأهلهم أهلنا يعني وإحنا أولادهم برضه”.
