وجه محمود عبد الرازق شيكابالا، نجم الزمالك السابق، رسائل قوية لمجلس إدارة ولاعبي الفريق وجمهور النادي، وكشف مفاجأة بشأن الشباب.
وقال شيكابالا، عبر برنامج “الكورة مع فايق”، على قناة” ام بي سي مصر 2 “:” لو جيت للناشئين: محمد السيد، الخضري، محمد إبراهيم.. اتفرجت عليهم قبل كدة من كام سنة بيلعبوا ورحت قلت لـ “جوميز” على التلاتة دول والله العظيم ساعتها”
وتابع: “فالنهاردة إنت بتشوف لا إحنا عندنا لاعيبة كويسة في الناشئين، بس الزمالك أُجبر إن الناس دي تلعب، وفجأة أنا جبته من البيت “العب” في ظروف صعبه جدا الله يكون في عونهم”.
وشدد شيكابالا:” وإحنا يا إبراهيم لما أنا كنت موجود وأخدنا الدوري قبل كدة أخدناه في ظروف زي دي، ده دوري فيريرا واللي قبله بتاع كارتيرون، الاتنين ورا بعض، بناخد الدوري في الظروف اللي زي دي”.
وواصل:” فانا بقول للعيبة نادي الزمالك وجمهور نادي الزمالك إحنا بناخد الدوري في الأوقات الصعبة دي، إحنا نادي الكتالوج بتاعنا غريب، إحنا لما بيحصل كدة المفروض نقرب من بعض”.
وأشار شيكابالا:” جمهورنا ما يبعدش.. يعني أنا كان نفسي جمهورنا يبقى موجود في الماتش النهاردة، حصل ظروف والناس ما بعتتش الحاجات من النادي وبتاع، قرب جمهورك منك .. إحنا دلوقتي محتاجين يوم السبت جمهورنا في ضهرنا، الجمهور مبيشجعوش أشخاص هما بيشجعوا الزمالك”.
وزاد:” فاللي بيعمل كدة يا إبراهيم لازم إحنا من الناحية التانية نساعده، منفضلش نوقف حاجات ونقعد نقول عليهم حاجات، أصل شيكا بيكلم مش عارف مين عشان يتشتم مين في المدرج”.
وأتم:” لا مفيش الكلام ده، جمهور الزمالك محدش بيسوقه، جمهور الزمالك بيشجع الزمالك مش بتاع أشخاص، يحبوا شيكا ويطلعوك السما لو إنت بتدي للتيشيرت وبتموت نفسك عشان خاطر التيشيرت”.
