أكد صالح جمعة، لاعب الأهلي الأسبق، إنه كان سهران مع الثنائي إمام عاشور نجم الأحمر ومحمود عبد المنعم كهربا، جناح القادسية السابق، ووجه له أسامة نبيه مدرب منتخب مصر للشباب سؤال بشأن أحمد فتوح،ظهير الزمالك.
وقال جمعة،خلال تصريحات تليفزيونية عبر برنامج “قهوة فايق”، على قناة” ام بي سي مصر 2″: كنت موجود مع إمام عاشور إمبارح واتكلمنا في موضوع أزمته الأخيرة، وكان معانا كهربا.. كنا بنتعشى”.
ليسأل أسامة نبيه.:” قول قول اه كنت انت وإمام عاشور وكهربا.. أحمد فتوح مكنش معاكم؟”.
ويجيب صالح جمعة:” لا مكنش معانا”
و أضاف جمعة:” إحنا مستخسرين إن إمام يخش في مرحلة تبقى صعبة الفترة اللي جاية خصوصاً إن المنتخب عنده كأس عالم، وهو من اللعيبة المهمة، وقرارات ممكن بياخدها إحنا خدناها قبل كدة بشكل عكسي أثرت علينا”.
وشدد:” إمام عنده بعض الطموحات الشخصية.. هو شايف إنه مظلوم، شايف إنه أفضل لعيب في مصر وإنه بعيد كل البعد عن الناس اللي حواليه مادياً، وحتى بره الجانب المادي هو شايف إن المعاملة معاه المفروض تبقى أحسن من كدة شوية”.
و أردف جمعة: “هو شايف إنه بعيد عن زمايله (في الفئة المالية) وهو بيقدم مردود كويس جداً، وده حقه المشروع، الموضوع المادي هو الفاصل في المشكلة اللي بتحصل”.
و اشار:” اللي طلبته منه إن ميبقاش فيه تحدي مع الجمهور بالأخص، لأن جمهور النادي الأهلي عنده الفرقة رقم واحد والنتائج رقم واحد، ومفيش حد فوق الفريق”.
