فاجئ محمود كهربا، لاعب القادسية الكويتي السابق، جمال جبر،رئيس المنظومة الإعلامية بالاهلي، بتصريحات مثيرة على الهواء.
وقال كهربا، خلال تصريحات تليفزيونية عبر برنامج “الكورة مع فايق”، على قناة” ام بي سي مصر 2″: “قرار خروجي من الأهلي كان صعب عليا .. يمكن أنا مش عايز أفتكر، لأن لو عاد بيا الموقف تاني على البطولات اللي أنا حققتها مع النادي الأهلي والتاريخ اللي عملته ده، ممكن أدفع مليارات والله العظيم”…
وأضاف:” والله العظيم ما كلام أنا أهلاوي صعب قوي.. أنا يمكن ضحيت بمستقبلي عشان ألبس تيشيرت النادي الأهلي، مكنش فارق معايا الرقم ولا فارق معايا أي حاجة في الدنيا غير إني ألبس التيشيرت وأعمل تاريخ”.
وتابع كهربا:” بشكر طبعاً الأستاذ جمال جبر، يعني يمكن في ناس وقفوا معايا ولازم لازم أشكرهم، هم اللي خلوني ألبس تيشيرت النادي الأهلي وأعمل التاريخ ده كله طبعاً.. وأستاذ جمال جبر بالأخص عايز أشكره لأن هو دوره مش معلوم للناس”
ليوجه له الإعلامي إبراهيم فايق سؤال :” بيعمل معاك إيه؟
ليجيب كهربا:” لأ، بيعمل مع اللاعيبة كلها والناس كلها والله العظيم، بيقف معاهم وقفات يعني برجولة وجدعنة وبأمانة زي أولاده، ومع الناس كلها، بس بيحب النادي الأهلي حب.. ودوره مش معلوم للناس، خلي بالك دوره قوي جداً بس مش معلوم للناس، عشان كده دايماً في الأهلي يقول لك: الأهلي فوق الجميع”.
وشدد:” ده يمكن من ساعة موضوع الغرامة كان 24 ساعة يكلمني ويطمن عليا، ويقولي نساعد فين ونعمل إيه.. يعني يمكن أنا لسه بكلمه لحد من أسبوع، كنت بطمن عليه عشان كان تعبان”.
وردا على سؤال مش نفسك ترجع الأهلي؟، رد كهربا:” اكيد طبعا نفسي ارجع الأهلي “.
وعاد إبراهيم فايق وقال:” طيب فترة القيد لسه مفتوحة لحد 8 فبراير، هل حد كلمك؟”
ليختتم كهربا:” والله العظيم ولا شفهي ولا رسمي ولا أي حاجة خالص ولا أي حاجة”.
