وجه الإعلامي سيف زاهر، رسالة قوية لثنائي مجلس إدارة الزمالك الشباب بعد الحديث عن وحود خلافات بينهما، واستشهد بجمهور الفارس الأبيض.
وقال زاهر، خلال تصريحات تليفزيونية ببرنامج “ملعب اون”، عبر قناة “أون سبورت”:” نروح شويه بقى لنادي الزمالك يا جماعة، أنا إمبارح طلعت أشدت بجمهور نادي الزمالك، وطلعت أشيد بالحالة اللي عليها فريق الزمالك وقلت إن يا جماعة الزمالك اللي عامله ده عظمة في عز الظروف دي وهو بيحاول كده والجمهور واقف في ضهر بعض يعني مموتين بعض.”
و أضاف: “”في حد من الـ يعني الناس لو تشوف جمهور الزمالك.. أنا عندي ناس يعني مش إخواتي الصغيرين يعني زملكاوية، ويطلع ابنه زملكاوي.. يعني محمد العبد ده حياته الزمالك، حسين أبو السعود وعمر ابنه حياتهم الزمالك.”
وشدد زاهر: “ده كل واحد في دول هو حلمه زي الناس والشباب اللي قدامنا دي كده حياته الزمالك، حياته يومه يبوظ وحياته تبوظ ويبقى اليوم عكننة يوم ما يخسر نادي الزمالك، حالهم حالهم حال كل الناس اللي في المدرجات دي.”
وواصل: “إمبارح جمهور الزمالك وجه رسائل كتير قوي، وأنا كانت نصيحتي نصيحتي للسادة المسؤولين لجون والعاصي وكل الناس.. يا جماعة اشتغلوا سد ودنك، حضرتك النهاردة الجمهور ليه طلب مسموح اعمله هتكسب الجمهور هيحييك هتخسر الجمهور زعلان منك.”
و اشار زاهر:” إمبارح في عز الملحمة اللي كنا عاملينها، لقيت إن في خلافات وخناق.. ما بين أعضاء مجلس إدارة نادي الزمالك الشباب؟ طب يا جماعة إحنا بقى يعني إحنا يعني هنسدها منين من هنا ولا من هنا؟ وحضراتكم برده زقوا معانا.”
و أردف: “يعني الزمالك دلوقتي في أزمة مالية، الزمالك دلوقتي في ظروف وجمهوره واقف و في ضهره، فأرجوكم بقى يعني سيبوا المركب ماشية. الناس هتعمل إيه؟”
و أستطرد زاهر: “الناس أما تشوف إن في عز الأزمات شباب من مجلس الإدارة مختلفين أو بيتخانقوا مع بعض أو القصة اللي إحنا بنسمعها، طب خلاص هيعملوا إيه بقى؟ يعني هو من إحباط لإحباط لإحباط.”
وزاد:” “فأرجو بقى من السادة المسؤولين يبقى في شوية في الظروف دي شوية من المسؤولية، يعني إيه اقف بقى على كورتك وهدي القصة، الدنيا متلصمة يعني كلنا مع الزمالك وإحنا بنزق بنقول يا رب، إحنا بنقول يا رب في كل حاجة.”
وانهى:” “كله في النهاية بيقول إيه؟ بيقول يا رب.. ظروف صعبة صعبة جداً، فرقة بتلعب وعندها 14 واحد غايب وعندها أربعة في الملعب مصابين، ونص اللي بيلعب بيلعب بإصابة وناشئين بتسخن وتنزل على الخط وبتكسب والفرقة بتكسب.. طب إيه بقى؟”.
شاهد:
